ស្ងាត់ៗ! ស៊ុក សុភា និង ភរិយា ពង្រីកមុខជំនួញកាន់តែរឹងមាំនៅអូស្រ្តាលី

ក្រោយពីបានរៀបការ និង​ ចាកចេញទៅរស់នៅឯក្រៅប្រទេសអស់រយៈពេលជាច្រើនឆ្នាំមកហើយនោះ តារាសម្តែង ស៊ុក សុភា ដែលអ្នកគាំទ្រកម្ពុជាបានដាក់នាមថា នាយ ខៀវ ហាក់កាន់តែរស់នៅយ៉ាងមានសុភមង្គលជាមួយនឹងភរិយា ព្រមទាំងកូនៗរបស់លោក ។ លើសពីនោះ បើតាមការបង្ហោះសកម្មភាពរស់នៅរបស់តារាប្រុសរូបនេះ គឺមើលទៅពិតជារស់នៅពោរពេញទៅដោយភាពសម្បូរបែប ហ៊ឺហារថែមទៀតផង ។

កាលពីពេលកន្លងមក មហាជនអ្នកគាំទ្រលោក ស៊ុក សុភា ក៏បានដឹងហើយថា លោក និង ភរិយា ក៏មានមុខជំនួញនៅក្នុងដៃផងដែរ ពាក់ព័ន្ធនឹងផលិតផលគ្រឿងសម្អាង ។ យ៉ាងណាក៏ដោយថ្មីៗនេះ មហាជនអ្នកគាំទ្រ ក៏កាន់តែចាប់អារម្មណ៍ដល់មុខជំនួញរបស់លោក ស៊ុក​ សុភា និង ភរិយា បន្ថែមទៀតក៏ព្រោះតែអ្នកទាំងពីរកាន់តែពង្រីកមុខជំនួញជាងមុន ។

តាមការបង្ហោះឱ្យដឹងលើគណនីហ្វេសប៊ុករបស់លោក ស៊ុក សុភា បានបង្ហាញថា លោក និង ភរិយា ត្រៀមបើកសម្ពោធទីតាំងផ្លូវការមួយរបស់ផលិតផលសម្អាងរបស់លោក ដោយមានឈ្មោះថា SL ហើយបើតាមការឆ្លើយតបការសាកសួរពីអ្នកគាំទ្រ លោក ស៊ុក សុភា បន្ថែមថា ក្រុមហ៊ុនរបស់លោក ក៏មានការផលិតផលិតផលដល់អតិថិជនទៀតផង ៕