មិនងាយលេចមុខទេ តែចេញមុខម្តងៗបងស្រីបង្កើត Nune Woranuch ស្ទើរតែធ្វើឱ្យមហាជនចាប់ច្រឡំ

តារាស្រី Nune Woranuch ត្រូវបានគេស្គាល់ជាតារាសម្ដែងដ៏លេចធ្លោធ្លាប់ទទួលបានប្រជាប្រិយភាពខ្លាំងពីសំណាក់ទស្សនិកជន ហើយបើទោះបីជាបច្ចុប្បន្ន មានសិល្បការិនីក្មេងៗពន្លកក្រោយជាច្រើនបានរីកដុះដាលនៅក្នុងវិស័យមួយនេះ ប៉ុន្ដែនាងនៅតែអាចក្ដោបបានតំណែងតួឯកយ៉ាងចំណាប់ផងដែរ ។

អ្វីដែលសំខាន់ទៅទៀតនោះ ក៏មានមហាជនជាច្រើនប្រាកដជាមានចម្ងល់ជាមិនខាននោះទេ ថាតើតារាស្រីរូបនេះជាកូនទោលនៅក្នុងគ្រួសារតើមែនទេ? ព្រោះកន្លងមិនដែលឃើញសមាជិកគ្រួសាររបស់នាងណាម្នាក់ចេញមុខនៅក្នុងបណ្តាញសង្គមណាមួយឡើយ ។

ជាមួយគ្នានោះដែរ ដើម្បីស្រាយសម្ងល់របស់មហាជនអ្នកគាំទ្រ គេឃើញថាតារានាង Nune Woranuch ក៏ធ្លាប់បានបើកបង្ហាញមុខមាត់របស់បងស្រីនាងម្នាក់រួចមកហើយដែរ ដែលធ្វើឱ្យមហាជនឃើញហើយបើកភ្នែកធំៗ នឹកស្មានថាតារាស្រីរូបនេះនៅមានបងស្រីបង្កើតដ៏ស្រស់ស្អាតម្នាក់ទៀតដែលមានឈ្មោះថា Nui នេះសោះ ។

ក្នុងនោះដែរ នៅពេលដែលតារាស្រី Nune Woranuch ឈរជិតបងស្រី កាន់តែធ្វើឱ្យមហាជនលាន់មាត់មិនដាច់ថាមានសម្រស់ស្អាតមិនចាញ់គ្នា ថែមទាំងមានមុខមាត់ដូចគ្នាស្ទើរតែចាប់ច្រឡំផងដែរ ៕