ផ្អើលអស់អ្នកគាំទ្រ ពេលឃើញនាង នុត តួខ្មោចដើមចេកជ្វា លេចមុខពញ្ញាក់អារម្មណ៍លើហ្វេសប៊ុក

បើនិយាយពីរឿងខ្មែរបុរាណជំនាន់មុន ប្រិយមិត្តប្រាកដចាំជាក់ជាមិនខាន រឿង «ខ្មោចដើមចេកជ្វា» ជាវណ្ណកម្មខ្មែរដ៏ល្អឯកមួយ ដោយបានអង្រួនដួងចិត្តមហាជនប្រុសស្រីឱ្យកើតអារម្មណ៍ព្រឺព្រួច រន្ធត់ ភ័យ ជាពិសេសទេពកោសល្យសម្ដែងដ៏ល្អប្រកបដោយសិល្បៈរបស់នាដការីរបាំបុរាណខ្មែរ អ្នកនាង សាំង ភស្ដា ដែលសម្ដែងជាខ្មោចនាង នុត នៅក្នុងរឿងនេះ ពិតធ្វើឱ្យអ្នកទស្សនាភ័យបះសក់មិនស្ទើរនោះទេ ។

ជាមួយគ្នានេះ ក្រោយពីបានទស្សនារឿងនេះហើយ មហាជនម្នាក់ៗតែងតែលួចសរសើរមិនដាច់ពីមាត់ឡើយចំពោះតួនាង នុត ដែលជាតួអង្គមួយបានធ្វើឱ្យសាច់រឿងកក្រើកខ្លាំង ពោលគឺរាល់សកម្មភាពនៃតួអង្គសម្ដែងសឹងធ្វើឱ្យមហាជនបំភ្លេចមិនបាន ។

យ៉ាងណាមិញ បើងាកទៅមើលជីវិតពិតតួអង្គ នាង នុត ក្នុងរឿង «ខ្មោចដើមចេកជា្វ» ឯណោះវិញគឺ អ្នកនាង សាំង ភស្ដា ដោយពេលនេះ អ្នកនាងបានរៀបការមានគ្រួសារមួយដ៏មានសុភមង្គលទៅហើយ ។ ក្នុងនោះបន្ទាប់ពីរៀបការមានគ្រួសារមក គេក៏ពុំសូវឃើញមានវត្តមានអ្នកនាងសម្ដែងដូចមុនឡើយ ដែលធ្វើឱ្យប្រិយមិត្តអ្នកគាំទ្រនឹករឭកដល់អ្នកនាងយ៉ាងខ្លាំង ។

ដោយឡែកថ្មីៗនេះ អ្នកនាង សាំង ភស្ដា ក៏បានលេចមុខសាជាថ្មីនៅក្នុងកម្មវិធីកម្សាន្តមួយ ដោយអ្នកនាងបានធ្វើឱ្យមហាជនអ្នកគាំទ្រសប្បាយចិត្តយ៉ាងខ្លាំង ព្រោះថាជាច្រើនឆ្នាំណាស់មកហើយដែលអ្នកនាងមិនបាននៅលើកញ្ចក់ទូរទស្សន៍ ទើបតែពេលនេះអ្នកនាងបានវិលមកម្ដងទៀតពិតធ្វើឱ្យអ្នកគាំទ្ររំភើបចិត្តខ្លាំង ។

ទន្ទឹមនឹងនោះ ក្រោយពីរូបភាពមួយចំនួនដែលឡើងកម្មវិធីរបស់អ្នកនាងបានបង្ហោះចូលក្នុងហ្វេសផេកក្នុងនោះដែរ គេក៏ឃើញអ្នកគាំទ្រស៊ែរ ខមមិនចែករំលែកគ្នា ដោយក្ដីស្រឡាញ់ និង នឹករឭកខ្លាំងទៅកាន់អ្នកនាង ហើយគេក៏សង្ឃឹមថាអ្នកនាងនឹងអាចវិលត្រឡប់មកសម្ដែងរឿងវិញផងដែរ ៕