(វីដេអូ) ត្រឡប់មកវិញ Freshie Boy លេខ ១ កែវ បូរ៉ា ខំប្រឹងទាំងអាជីពសិល្បៈ និង ការរកស៊ីលក់បុកល្ហុង

មហាជនអ្នកនិយមតាមដានកម្មវិធីប្រកួត Freshie Girl & Boy ជារៀងរាល់ឆ្នាំ ច្បាស់ជាចងចាំនៅឡើយនូវ Freshie Boy ចំណាត់ថ្នាក់លេខ ១ ជំនាន់ទី ៧ ឆ្នាំ ២០០៨ គឺ លោក កែវ បូរ៉ា ហើយក្រោយពីទទួលបានជ័យលាភីលេខ ១ Freshie Boy រូបនេះ ក៏បានបន្តដំណើរជាពិធីករ និង តារាសម្តែងខ្សែភាពយន្តជាច្រើនទៀតផង ។

ដោយឡែក រហូតមកដល់ឆ្នាំ ២០១៥ អតីត Freshie Boy និង ជាតារាប្រុសទទួលបានប្រជាប្រិយភាព លោក កែវ បូរ៉ា បានសម្រេចចិត្តបញ្ចប់ភាពនៅលីវ សាងគ្រួសារជាមួយនារីដ៏ស្រស់ស្អាតម្នាក់ជាកូនកាត់ខ្មែរ-ប៊ុលហ្គារី ដែលគេស្គាល់ថា Frshie Girl ចំណាត់ថ្នាក់លេខ ៣ ជំនាន់ទី ១០ ឆ្នាំ ២០១១ គឺអ្នកនាង បូប៊ី រស្មី។ លើសពីនេះភរិយារបស់លោក ក៏ត្រូវបានគេស្គាល់ថាជាបងស្រីបង្កើតរបស់តារាស្រី Stella ដែលទទួលបានការគាំទ្រខ្លាំងផងដែរ។

ក្រោយពីរៀបការសាងគ្រួសារដ៏មានសុភមង្គលនឹងសិស្សប្អូនក្នុងវិស័យសិល្បៈហើយនោះ បច្ចុប្បន្នអតីត Freshie Boy និង Freshie Girl ខាងលើនេះ ទទួលបានចំណងដៃកូនប្រុស ២ នាក់ និង​ កូនស្រីម្នាក់។ ជាមួយគ្នានេះ លោក កែវ បូរ៉ា ក៏នៅតែមានសកម្មភាពក្នុងការងារសិល្បៈដដែល ដោយកំពុងជាប់កុងត្រាថតសម្តែងរឿងឱ្យទូរទស្សន៍ក្នុងស្រុករហូតដល់ ៣ ឯណោះ។ ក្រៅពីអាជីពជាតារាសម្ដែង Freshie Boy លេខ ១ ឆ្នាំ ២០០៨ កែវ បូរ៉ា ក៏មានមុខរបររកស៊ីផ្ទាល់ខ្លួនដែរ ដោយលោកគឺបានបើកហាងលក់បុកល្ហុងមួយនៅម្តុំច្បារអំពៅ៕

សូមទស្សនាវីដេអូខាងក្រោម៖