ទម្លាយតម្លៃខ្លួន Kwan គ្រាន់តែថតមួយរឿងៗ សល់លុយអាចដេកចាយបានរាប់ឆ្នាំ

បច្ចុប្បន្ន សិល្បករ សិល្បការិនីថៃល្បីៗជាច្រើនដួង កំពុងរស់នៅសោយសុខនឹងជីវិតឯកជនដ៏សម្បូរហ៊ឺហាររបស់ពួកគេ ដោយអ្នកខ្លះមានគ្រួសារជាអ្នកមានទ្រព្យសម្បត្តិស្ដុកស្ដម្ភស្រាប់ ចំណែកអ្នកខ្លះទៀត គឺបានមកពីការខិតខំប្រឹងប្រែងផ្ទាល់ខ្លួនរបស់ពួកគេ ។

បន្ទាប់ពីឃើញជីវិតក្រៅឆាកដ៏ហ៊ឺហារ មានលុយ មានឡាន មានផ្ទះវីឡាប្រណីតៗរស់នៅដូច្នេះ ជឿថាប្រិយមិត្តភាគច្រើនច្បាស់ជាចង់ដឹងហើយថា តើអ្នកសិល្បៈទាំងនោះ ទទួលបានតម្លៃខ្លួនប៉ុន្មានពីការថតកុន បានជាជីវភាពរបស់ពួកគេរស់នៅធូរធារ មានលុយចាយពេញៗដៃបែបនេះ ។

បើតាមប្រភពបានឱ្យដឹងថា សិល្បករ សិល្បការិនីភាគច្រើនទទួលបានតម្លៃខ្លួនចន្លោះពី ៤ ០០០ បាត ទៅ ២៥០ ០០០ បាតក្នុងមួយភាគៗ ដោយតម្លៃខ្លួនជាក់ស្ដែងគឺស្ថិតលើភាពល្បីល្បាញរបស់ពួកគេរៀងៗខ្លួន ។

សម្រាប់កំពូលតារាសម្ដែងស្រីរូបស្រស់ Kwan Usamanee វិញ ត្រូវបានម្ដាយនាងទម្លាយនៅក្នុងបទសម្ភាសមួយថា នាងទទួលបានតម្លៃខ្លួនខ្ពស់ខ្លាំងដល់ទៅ ២៥០ ០០០ បាតឯណោះក្នុងការថតរឿងមួយភាគៗ ដែលប្រហែលនឹងជិត ៨ ពាន់ដុល្លារអាមេរិក៕