រូបមួយសន្លឹកបីទារក ណាខុន ត្រូវគេនាំគ្នាខមមិនបែបនេះព្រាត

បើគិតមកទល់ពេលនេះ តារាសម្តែងលោក ណាខុន បានចាប់ដៃគ្នាសាងគ្រួសារជាមួយនឹងភរិយាជាអ្នកម៉េម៉ាយដ៏ស្រស់ស្អាតបានរយៈពេលជាង ២ ឆ្នាំមកហើយ ។ ក្នុងនោះ បើមិនបានរៀបចំកម្មវិធីធំដុំគគ្រឹកគគ្រេងក្នុងថ្ងៃមង្គលក៏ពិតមែន តែជីវិតរស់នៅរបស់តារាប្រុសរូបនេះ និង ភរិយា ពិតជាមានសុភមង្គលយ៉ាងខ្លាំង ។

យ៉ាងណាមិញថ្មីៗនេះ លោក ណាខុន បានបង្ហោះរូបភាពបីទារក ដែលគេបានដឹងថាជាកូនរបស់ប្អូនស្រីបង្កើតរបស់លោក ធ្វើឱ្យមហាជនអ្នកលេងបណ្តាញសង្គម និង មិត្តក្នុង-ក្រៅរង្វង់សិល្បៈជាច្រើន ធ្លោយមាត់ចំអន់ដល់លោក ណាខុន «ប្រាកដជាចង់បានកូននឹងគេហើយ» «កាលណាយកកូនហ្នឹងគេ ?» ។ លើសពីនោះ ក៏មានចូលរួមជូនពរដល់លោក និង ភរិយា ឆាប់មានសមាជិកថ្មីទៀតផង ។

គួរឱ្យដឹងថា មកទល់ពេលនេះ លោក ណាខុន មិនទាន់មានតំណក់ឈាមបង្កើតជាកូនរបស់ខ្លួនក៏ពិតមែន ប៉ុន្តែបើក្រឡេកទៅមើលជីវិតក្នុងនាមជាឪពុក ក៏លោក ណាខុន ធ្វើបានល្អណាស់ចំពោះកូនប្រុសរបស់ភរិយាលោក ៕