វ៉ាវ! ស្ងាត់ៗសមាជិករួមក្រុម P-Sand មួយរូបបញ្ចប់កាសិក្សាផ្នែកយោធាពីប្រទេសរុស្ស៊ី
បើនិយាយពីតារាចមច្រៀង Original Song លោក P-Sand ច្បាស់ជាមហាជនអ្នកគាំទ្រនិយមស្តាប់បទចម្រៀងយុវវ័យប្រាកដជាបានស្គាល់រូបលោកជាក់ជាមិនខាន ។ លើសពីនោះ តារាចម្រៀង Original Song រូបនេះ ក៏មិនត្រឹមតែជាតារាចម្រៀងទោលនោះទេ គឺលោកក៏មានក្រុមតន្ត្រីមួយមានឈ្មោះថា X-Brother ទៀតផង ។
យ៉ាងណាមិញ ថ្មីៗនេះដែរ មហាជនអ្នកគាំទ្រក្រុម X-Brother Band កំពុងតែចូលរួមអបអរសាទរដល់សមាជិកមួយរូបនៃក្រុមខាងលើនេះ ដែលមានឈ្មោះហៅក្នុងសិល្បៈថា K-Dam ទើបនឹងបានបញ្ចប់ការសិក្សាផ្នែកយោធាពីប្រទេសរុស្ស៊ីផងដែរ ។ បើតាមគណនីហ្វេសប៊ុកផ្លូវការរបស់ X-Brother Band បានរៀបរាប់ថា «អបអរសាទរ K-dam ដែលបានបញ្ចប់កាសិក្សាផ្នែកយោធាពីប្រទេសរុស្ស៊ី និង បានត្រឡប់មកបំរើជាតិវិញហើយមកបន្តបង្កើតតន្រ្តីលេងតន្រ្តីជាមួយ X-bro band បន្តដំណើរជាមួយ និង album ថ្មីរបស់ពួកយើងទៀត» ។
អ្វីដែលកាន់តែធ្វើឱ្យមហាជនអ្នកគាំទ្រមានការរំភើបចិត្ត ពីការវិលត្រឡប់មកកាន់វិថីសិល្បៈជាថ្មីរបស់ K-Dam ទៀតនោះ គឺមហាជនបានចូលរួមសរសើរនូវការប្រឹងប្រែង និង តស៊ូក្នុងការរៀនសូត្រផ្នែកយោធាពីប្រទេសរុស្ស៊ីរបស់សមាជិកមួយរូបខាងលើនេះ យ៉ាងយកចិត្តទុកដាក់ក្នុងនាមជាកូនខ្មែរ ដើម្បីវិលត្រលប់មកបំរើប្រទេសជាតិវិញផងដែរ ៕
