មហាជនសង្ស័យថា Min Pechaya និង គូស្នេហ៍ បែកគ្នាហើយ ក្រោយចាប់បានភស្ដុតាងនេះ
បច្ចុប្បន្ន Min Pechaya អ្នកណាៗក៏ដឹងដែរថា នាងកំពុងតែមានទំនាក់ទំនង ជាមួយនឹងកំលោះហាយសូឈ្មោះថា Oatpitak ដែលជាអ្នកជំនួញប្រាក់លានម្នាក់នៅក្នុងប្រទេសថៃ ។
បើក្រឡេកទៅមើលពី ៥ ខែមុនវិញ ក្នុងថ្ងៃកំណើតរបស់តារាស្រី Min Pechaya មហាជនអ្នកគាំទ្របានឃើញថា គូស្នេហ៍ស្រីស្អាតរូបនេះ បានរៀបចំ Surprise យ៉ាងអធិកអធមតែម្តង នៅលើទូកកណ្តាលទន្លេចៅថាយ៉ា នាំគូស្នេហ៍ ជិះកម្សាន្ត និង មានការរៀបចំអ្វីពិសេសជាច្រើនមុខទៀត ចំពោះគូស្នេហ៍។
ដោយឡែក កាលពីពេលកន្លងទៅនេះ មហាជនបែរជាផ្ទុះការសង្ស័យថា តារាស្រី Min Pechaya និង គូស្នេហ៍ ប្រហែលជាបញ្ចប់ក្តីស្នេហាហើយ ព្រោះគេសង្កេតឃើញថា នៅក្នុងថ្ងៃកំណើតរបស់សង្សារបណ្តូលចិត្តរបស់តារាស្រីរូបនេះ កាលពីថ្ងៃទី ១០ ខែ កក្កដា ឆ្នាំ២០២១ កន្លងទៅនេះ គេមិនបានឃើញអ្នកទាំងពីបង្ហោះរូបគូជាមួយគ្នាដូចរាល់ដងឡើយ។ មិនតែប៉ុណ្ណោះ មហាជនថែមទាំងមិនបានឃើញ មានការបង្ហោះសារជូនពរនៅលើគណនីបណ្ដាញសង្គមណាមួយរបស់តារាស្រី Min ជូនពរទៅកាន់សង្សារឡើយ។ ដោយសារតែមូលហេតុនេះហើយ ទើបធ្វើឱ្យអ្នកគាំទ្រកាន់តែសង្ស័យថាអ្នកទាំងពីរ បែកគ្នានោះ។
គួរបញ្ជាក់ថា បើទោះបីជាមានការសង្ស័យថា អ្នកទាំងពីរប្រហែលជាបញ្ចប់ក្តីស្នេហ៍ជាមួយគ្នាហើយក្ដី ប៉ុន្ដែរហូតមកទល់ពេលនេះ គេមិនទាន់ជ្រាបច្បាស់នៅឡើយទេថា រឿងរ៉ាវទាំងអស់នេះនឹងទៅជាយ៉ាងណា មានតែរង់ចាំការបកស្រាយដោយផ្ទាល់មាត់ពីសំណាក់គូស្នេហ៍មួយគូនេះប៉ុណ្ណោះ៕
