ដដែលៗញឹកពេក បាន មុន្នីល័ក្ខ ស្រាប់ទម្លាយបែបនេះទៅ ម៉ៅ ហាជី (វីដេអូ)

កន្លងមកមហាជននិយមគាំទ្រតារាចម្រៀង ២ រូប ប្រចាំផលិតកម្មថោន ម៉ៅ ហាជី និង បាន មុន្នល័ក្ខ បានកំពុងមានការសង្ស័យពីទំនាក់ទំនងរបស់អ្នកទាំង ២ ដែលលើសពីមិត្តភាព និង​ មិត្តរួមអាជីព ព្រោះជារឿយៗ ម៉ៅ ហាជី តែងបង្ហោះរូបភាពស្និទ្ធស្នាលជាមួយនឹង បាន មុន្នីល័ក្ខ ព្រមទាំងម្តងណានោះ លោកបាននិយាយថានឹក​ បាន មុន្នីល័ក្ខ ទៀតផង ។

ទោះជាមានការសង្ស័យយ៉ាងណាក្តី ក៏ទំនាក់ទំនងរបស់តារាចម្រៀងប្រុសស្រីទាំងពីរ ធ្វើឱ្យអ្នកគាំទ្រនៅមានការស្រពិចស្រពិលនៅឡើយ ក៏ព្រោះតែម្ចាស់សាមីខ្លួនមិនទាន់ចេញមុខមកបញ្ជាក់នៅឡើយនោះ ។

យ៉ាងណាមិញ ពេលថ្មីៗនេះ ក្រោយពីតារាចម្រៀង ម៉ៅ ហាជី បានបង្ហោះវីដេអូមួយរបស់ បាន មុន្នីល័ក្ខ នៅខាងក្រោយឆាក ស្រាប់តែតារាចម្រៀងស្រីរូបនេះ បានខមមិនថា ម៉ៅ ហាជី ធ្វើបាបរូបនាងរហូត ហើយខមមិននោះបានធ្វើឱ្យអ្នកលេងបណ្តាញសង្គមចាប់អារម្មណ៍ខ្លាំងណាស់ដែរ ។

ជាការពិត មូលហេតុដែលធ្វើឱ្យ បាន មុន្នីល័ក្ខ ទប់ចិត្តមិនបានខមមិនត្រង់ៗថា ម៉ៅ ហាជី ធ្វើបានតែរូបនាងនោះ ក៏ព្រោះតែលោក ម៉ៅ ហាជី បានបង្ហោះវីដេអូបែបកំប្លែងរបស់កញ្ញា បាន មុន្នីល័ក្ខ ដែលធ្វើមុខគួរឱ្យទប់សំណើចមិនបានជាសាធារណៈដល់អ្នកគាំទ្រ ។ លើសពីនោះ ជារឿយៗខាងប្រុសតែងបង្ហោះរូបភាពអាក្រក់ៗមើលរបស់​ បាន មុន្នីល័ក្ខ នៅលើគណនីហ្វេសប៊ុករបស់លោកទៀតផង ៕