ភ្ញាក់ផ្អើល! តួឯកស្រីរឿង «Nevertheless» ត្រូវអ្នកគាំទ្រថា មានមុខស្រដៀង Song Hye Kyo
តារាសម្ដែងស្រីកូរ៉េ Han So Hee កំពុងកើនឡើងប្រជាប្រិយភាពកាន់តែខ្លាំងហើយ តាមរយៈការសម្ដែងរឿងភាគថ្មី «Nevertheless» ដើរជាតួឯកស្រី កំពុងផ្ទុះការចាប់អារម្មណ៍ពីសំណាក់ទស្សនិកជន និង អ្នកគាំទ្រទាំងអស់របស់នាង។
រឿងភាគថ្មី ដែលបង្កប់ឈុតឆាតស្នេហារោលរាលយ៉ាងផ្អែមល្ហែម បានធ្វើឱ្យតារាសម្ដែងស្រីកើតឆ្នាំ ១៩៩៤ រូបនេះ ក្លាយជាតារាស្រីដែលមានអ្នកគាំទ្រ និង អ្នកនិយមលេងអ៊ីនធឺណេត តាមដានយ៉ាងជាប់មិនឱ្យផុតពីក្រសែតភ្នែកឡើយ ។ ក្រៅពីសមត្ថភាពសម្ដែងប៉ិនប្រសប់ និង សម្រស់ស្រស់ស្អាតហើយ តារាសម្ដែងស្រីរូបនេះ ក៏ត្រូវបានអ្នកគាំទ្រ និង អ្នកនិយមលេងអ៊ីនធឺណេត ចាប់អារម្មណ៍ទៅលើសម្រស់មុខមាត់របស់នាង ស្រដៀងនឹងតារាសម្ដែងជើងចាស់រូបស្រស់ Song Hye Kyo នេះបើតាមពិនិត្យរូបថតផ្សព្វផ្សាយពាណិជ្ជកម្មរបស់នាងថ្មីៗនេះ។
ជាមួយគ្នានោះ តារាសម្ដែងស្រីមានមន្តស្នេហ៍រូបនេះ កាន់តែមានភាពទាក់ទាញ និង ការស្រឡាញ់ពេញចិត្តពីគ្រប់គ្នាជាអ្នកគាំទ្រមិនតិចនោះទេ ហើយប្រសិនជាមិនបានពិនិត្យមើលរូបភាពល្អិតល្អន់ទេ Han So Hee អាចនឹងគេស្មានថាជាតារាសម្ដែងស្រី Song Hye Kyo ជាមិនខាន៕
