Pat Napapa អរកខិបកខុប លើកដៃសំពះ Margie ពីចម្ងាយ ពេលមិត្តភក្តិមានទឹកចិត្តល្អនេះ

មហាជនប្រាកដជាបានស្គាល់ជាក់ជាមិនខានតារាសម្ដែងអ្នកម៉ាក់សម័យថ្មី នាង Pat Napapa និង តារាសម្ដែងស្រី Margie Rasri ដែលជាមិត្តភក្តិល្អនឹងគ្នាក្នុងវិស័យសិល្បៈ ។ ជារឿយៗ តារាស្រីទាំងពីរនេះតែងតែទៅសួរសុខទុក្ខគ្នាមិនសូវជាដាច់ឡើយ ។ ជាពិសេស អំឡុងពេលតារាស្រី Margie សរសៃខ្ចីសម្រាលកូនលើកដំបូង ។

ដោយឡែកក្នុងថ្ងៃទី ១៦ ខែកក្កដា ឆ្នាំ ២០២១ នេះ គឺជាថ្ងៃកំណើតរបស់តារាស្រី Pat Napapa ដោយថ្ងៃនេះដែរ តារាស្រីរូបនេះក៏ទទួលបានសារជូនពរយ៉ាងច្រើនព្រោងព្រាតពីសំណាក់មហាជនអ្នកគាំទ្រក៏ដូចជាមិត្តៗសិល្បករផងដែរ ។

អ្វីដែលពិសេសនោះ ក្នុងថ្ងៃដ៏រំភើបនេះ ស្រាប់តែតារាស្រី Magie បានធ្វើនំខួបដោយផ្ទាល់ដៃជូនទៅកាន់មិត្តសម្លាញ់ Pat Napapa ថែមទៀតផង ។ ទន្ទឹមនឹងបានកាដូយ៉ាងពិសេសពីមិត្តសម្លាញ់ ហាក់ធ្វើឱ្យ Pat រំភើបញញឹមបិទមាត់មិនជិតឡើយ ហើយនាងក៏បានចេញមកអរគុណធំៗចំពោះតារាស្រី Margie ដែលខំធ្វើនំដោយផ្ទាល់ដៃផ្ញើមកឱ្យ ។ ទោះបីជាពេលនេះស្ថានភាពកូវីដ-១៩ ក្នុងប្រទេសផ្ទុះខ្លាំងយ៉ាងណាក៏ដោយ តែវាក៏មិនមែនជាឧបសគ្គសម្រាប់មិត្តតារាស្រីទាំងពីរនេះដែរ ពួកគេនៅតែផ្ញើក្ដីស្រឡាញ់ឱ្យគ្នារហូត ៕