ស្ងាត់ៗ ពាក់មី ជះលុយមួយក្ឌាំង ទិញវីឡាផង ទិញឡានស៊េរីថ្មី 570 2021 ផង ឡូយណាស់!

តារាកំប្លែងប្រុសល្បីឈ្មោះ នាយ ពាក់មី ដែលមហាជនប្រាកដជាបានជ្រាបហើយថា លោកកាន់តែទទួលបានប្រជាប្រិយភាពខ្លាំងឡើងពីសំណាក់មហាជនគ្រប់ស្រទាប់ជាមួយនឹងទេពកោសល្យរបស់លោកជាច្រើនក្នុងវិស័យសិល្បៈ។

ជាមួយគ្នានេះ តារាបំប្លែងប្រុស ដែលបានកែប្រែវាសនារបស់ខ្លួនពីកម្មករសំណង់រហូតក្លាយជាអ្នកសិល្បៈដ៏ជោគជ័យមួយរូបនេះ ដោយបច្ចុប្បន្នបូករួមទាំងភាពជោគជ័យក្នុងមុខជំនួញផ្ទាល់ខ្លួនផងនោះ កាន់តែធ្វើឱ្យជីវិតគ្រួសាររបស់លោកមានភាពធូរធារមែនទែន និង ពោរពេញដោយសុភមង្គល។

ជាក់ស្ដែងថ្មីៗនេះ កាន់តែចាប់អារម្មណ៍ខ្លាំងទៅទៀត បើតាមការបង្ហោះរូបភាព ភ្ជាប់ជាមួយសារលើបណ្ដាញសង្គមរបស់ ឧកញ៉ា ហួត ជា ដែលបានឱ្យដឹងថា នាយ ពាក់មី បានធ្វើការស្វាគមន៍សមាជិកថ្មីរហូតម្ដងដល់ទៅពីរ ដែលសុទ្ធសឹងតែមានតម្លៃរាប់ម៉ឺនដុល្លារ ដោយលោក បានទិញ ផ្ទះវីឡាទោលយ៉ាងប្រណីតមួយ ថែមទាំងទិញឡានស៊េរីទំនើប ម៉ាក 570 2021 មួយគ្រឿងទៀត។ មិនតែប៉ុណ្ណោះ លោកក៏ទើបតែធ្វើផ្ទះយ៉ាងធំមួយឱ្យម្ដាយក្មេកទៀតផង។

យ៉ាងណាមិញ កន្លងមក តារាកំប្លែងប្រុសល្បីឈ្មោះរូបនេះ ក៏តែងតែធ្វើឱ្យមហាជនមានការចាប់អារម្មណ៍ខ្លាំង ជាមួយនឹងជីវិតឯកជនរបស់លោក ដែលមានភាពសម្បូរសប្បាយ ជាពិសេសថែមទាំងបានចំណាយលុយផ្ទាល់ខ្លួនសាងសង់ផ្ទះថ្មីយ៉ាងធំជូនឪពុកម្ដាយទាំងសងខាងរបស់លោកទៀតផង៕