ទម្លាយមុខមាត់ពិតកូនស្រី តារាស្រីចិន Yang Mi ធំឡើងគួរឱ្យស្រឡាញ់ មិនចាញ់ម្ដាយ
ទោះបីជាពេលនេះ តារាសម្ដែងស្រី Yang Mi បានលែងលះជាមួយលោក Hawick Lau ក៏ដោយ ក៏សមាជិកគ្រួសាររបស់នាងនៅតែក្លាយជាមនុស្សដែលមានការចាប់អារម្មណ៍ និង តាមដានខ្លាំងពីសំណាក់អ្នកនិយមលេងបណ្ដាញសង្គមដដែល ។
ពេលវេលាកន្លងផុតទៅអស់ច្រើនឆ្នាំ រហូតមកដល់ពេលនេះ Xiao Nuomi ជាកូនស្រីរបស់នាង ក៏មានអាយុ ៥ ឆ្នាំមកហើយដែរ ។ នាងតូច Nuomi គឺជាកូនស្រីម្នាក់គត់ដែល Yang Mi ស្រឡាញ់ និង ការពារយ៉ាងខ្លាំង ហើយច្រើនឆ្នាំមកនេះ មុខមាត់របស់នាងត្រូវបានលាក់បាំងយ៉ាងជិត ដោយមិនអនុញ្ញាតឱ្យបង្ហាញជាសាធារណៈនោះទេ ហើយ Yang Mi ក៏ចង់ឱ្យកូនស្រីរបស់នាងធំធាត់ឡើងមានជីវិតដូចក្មេងៗធម្មតាដទៃទៀត និង មិនចង់ឱ្យមានអ្នកតាមប្រមាញ់យករូបថតរបស់កូនស្រីនាងឡើយ ព្រោះ Nuomi នៅក្មេងអាចមានការភ័យខ្លាច ដែលមានមនុស្សចោមរោមច្រើន ។
អស់រយៈពេលកន្លងទៅច្រើនឆ្នាំ ពេលនេះ Nuomi នាងតូចមានអាយុ ៥ ឆ្នាំមកហើយដែរ ។ ថ្មីៗនេះ មុខមាត់របស់នាង ត្រូវបានបង្ហាញជាសាធារណៈ និង បានធ្វើឱ្យមហាជន ក៏ដូចជាអ្នកគាំទ្រនាង ស្គាល់ហើយកាន់តែយល់ច្បាស់ថា ហេតុអ្វីបានជា Yang Mi មិនចង់បង្ហាញមុខមាត់ពិតរបស់កូនស្រីខ្លួនយ៉ាងដូច្នេះ ។
រូបថត Nuomi អាយុ ៥ឆ្នាំ
មិនចម្លែកចិត្តទេ ដែលតារាស្រីរូបនេះព្យាយាមលាក់បាំងមុខមាត់របស់កូនស្រី ដោយសារតែ Nuomi កាន់តែធំ រឹតតែមានមុខមាត់ដូចនាងជាម្ដាយ ទើបបានជាធ្វើឱ្យ Yang Mi ជាម្ដាយមានភាពស្ទាក់ស្ទើរក្នុងការបង្ហាញមុខមាត់កូនស្រីខ្លួនជាសាធារណៈខ្លាំងបែបនេះ ៕
ប្រភព៖ inf.news
