គ្រាន់តែដឹងថា ប្រពន្ធពពោះកូនដំបូងភេទអីភ្លាម Gavin រំភើបស្ទើរហោះទៅលើមេឃ

ពិតជាធ្វើឱ្យមហាជនមានក្ដីរំភើបណាស់ជាមួយគ្រួសារតារាចម្រៀងនាយ Gavin និង តារាស្រីនាង Pantipa បន្ទាប់ពីពួកគេទទួលបាននូវសមាជិកថ្មី ដែលពេលនេះ តារាស្រី Pantipa កំពុងតែពពោះកូនជាលើកដំបូង ក្រោយពីពួកគេចាប់ដៃគ្នាសាងគ្រួសារអស់រយៈពេល ៣ ឆ្នាំ មកនេះ ។

ពេលដឹងថាប្រពន្ធកំពុងតែពពោះកូនជាលើកដំបូង តារាប្រុសសង្ហា Gavin បានមើលថែតារាស្រី Pantipa យ៉ាងយកចិត្តទុកដាក់ណាស់ ជាពិសេសគ្រួសារតារាមួយគូតែងបង្ហាញក្ដីស្រឡាញ់ឱ្យគ្នាពុំសូវជាដាច់ឡើយ ។ ជាមួយគ្នានេះ ដឹងថាខ្លួនជិតក្លាយជាឪពុកម្ដាយគេ ប្ដីប្រពន្ធគូនេះពិតរំភើបចិត្តខ្លាំង ហើយអ្វីដែលពួកគេកាន់តែរំភើបទៀតនោះ គឺពេលដឹងថាពួកគេទទួលបានកូនដំបូងប្រុសឬក៏ស្រី ។

មិនទន្ទឹងរង់ចាំយូរ បន្ទាប់ពីដល់ខែដែលអាចដឹងពីភេទរបស់កូនបាន តារាស្រី Pantipa ក៏បានទៅប្រឹក្សាជាមួយពេទ្យ ហើយក៏បានដឹងថា ពួកគេទទួលបានកូនប្រុសជាចំណងដៃស្នេហ៍ ។

ដូចគ្នានោះ បើងាកទៅមើលតារាប្រុសលោក Gavin បន្ទាប់ពីបានដឹងថាខ្លួនទទួលបានកូនប្រុស ពិតជាធ្វើឱ្យអារម្មណ៍តារាប្រុសនេះ រំភើបរកនិយាយមិនត្រូវទេ គឺលោកគិតតែលោតអរសប្បាយ ព្រោះលោកស្រឡាញ់កូនប្រុសមកយូរហើយ តែប្រសិនបានកូនស្រីក៏មិនថ្វីដែរ នេះបានកូនប្រុសតាមបំណង គឺពិតធ្វើឱ្យលោកអរសប្បាយនិយាយមិនចេញឡើយ ៕