ឡើងអភិជន! ស្ងាត់ៗ ជុំ ស៊ីថា លោកប៉ាកូនភ្លោះបីនាក់ បង្ហាញភូមិគ្រឹះកំពុងសង់ ធំស្កឹមស្កៃតម្លៃរាប់ម៉ឺនដុល្លារ

ជឿជាក់ថាប្រិយមិត្តស្គាល់ច្បាស់ជាមិនខាន អតីតតារាសម្ដែងរូបសង្ហា លោក ជុំ ស៊ីថា ដែលបច្ចុប្បន្ននេះតារាប្រុសរូបនេះកំពុងតែសាងជីវិតជាមួយគ្រួសារយ៉ាងមានសុភមង្គល ។ ជាមួយគ្នានោះ ចាប់តាំងតែកាន់ដៃគ្នាសាងគ្រួសារ មហាជនហាក់កត់សម្គាល់ឃើញជីវិតគ្រួសារតារាប្រុសលោករូបនេះកាន់តែមានន័យឡើង ។

ម៉្យាងវិញទៀត ក្រោយពីរៀបការ តារាប្រុសសង្ហារូបនេះ ក៏ទទួលបានកូនរហូតទៅដល់ ៥ នាក់ឯណោះ ជាចំណងដៃអាពាហ៍ពិពាហ៍ ។ ជារឿយៗ គេហាក់ឃើញតារាសម្ដែងខាងលើតែងយកចិត្តទុកដាក់មើលថែប្រពន្ធកូនបានល្អណាស់ ។ ជាពិសេស ទោះបីជាមានកូន ៥ នាក់ហើយក្ដី ក៏ក្ដីស្នេហ៍តារាប្រុសរូបនេះមានចំពោះប្រពន្ធហាក់មិនប្រែប្រួលឡើយ ពោលគឺនៅតែផ្អែមល្អែមដូចគ្រាដំបូងអ៊ីចឹងដែរ ។

យ៉ាងណាមិញ ថ្មីៗនេះ លោក ជុំ ស៊ីថា ហាក់ធ្វើឱ្យមហាជនអ្នកគាំទ្រស្រឡាំងកាំង បន្ទាប់ពីសុខៗលោកបើកបង្ហាញផ្ទះថ្មីប្រៀបដូចវិមានសួគ៌ធំស្កឹមស្កៃ ដែលមានតម្លៃរាប់ម៉ឺនដុលា្លរ កំពុងតែសាងសង់ជិតរួចហើយនោះ ថតបង្ហោះពេញបណ្ដាញសង្គម ។ ពិតជាអត់សរសើរមិនបានឡើយ ទោះបីជាមិនសូវប្រឡូកក្នុងសិល្បៈមែន តែជីវិតតារាប្រុស ជុំ ស៊ីថា នៅតែមានពន្លឺរស្មីមករហូត ។

ដូចគា្ននោះ បើនិយាយពីមហាជនអ្នកគាំទ្រឯណោះវិញ បន្ទាប់ពីឃើញផ្ទះថ្មីធំដូចវិមានរបស់តារាប្រុសខាងលើនេះមក បានធ្វើឱ្យពួកគេលើកសរសើរមិនស្ទើរនោះទេ ពីវាសនាខ្ពស់ត្រដែតរបស់តារាប្រុសរូបនេះ ៕