ភ្លេចៗ ខាត់ ជែមស៍ មានកូនប្រុសស្រីធំច្រូងច្រាងមានមុខមាត់ស្អាតៗអស់ទាស់

តារាចម្រៀងប្រុសដ៏ល្បីឈ្មោះ លោក ខាត់ ជែមស៍ ដែលអ្នកគាំទ្របានជ្រាបហើយថា បច្ចុប្បន្ន លោក មិនត្រឹមតែទទួលបានភាពជោគជ័យក្នុងវិស័យសិល្បៈចម្រៀងរបស់លោកទេ ថែមទាំងមានមុខជំនួញក្នុងដៃជាច្រើន ដែលកំពុងតែដំណើរការយ៉ាងរលូន។

យ៉ាងណាមិញ ក្រឡេកមើលជីវិតគ្រួសាររបស់ តារាប្រុសរូបនេះ វិញ គឺកាន់តែទទួលបានសុភមង្គលខ្លាំងឡើង ដែលមានកូនប្រុសស្រីជាទីស្រឡាញ់រហូតដល់ទៅ ៤ នាក់ឯណោះ ដោយកាន់តែបន្ថែមនូវរសជាតិជីវិតយ៉ាងពេញលេញក្នុងគ្រួសាររបស់លោក។

អ្វីដែលកាន់តែចាប់អារម្មណ៍ទៅទៀត មួយរយៈនេះ តារាប្រុសរូបនេះ បានបញ្ចេញរូបភាពជាក្រុមគ្រួសារ ដែលបង្ហាញមុខមាត់កូនៗ និងភរិយាជាទីស្រឡាញ់លើបណ្ដាញសង្គមជាហូរហែ។ កាន់តែពិសេសនោះ គឺមើលទៅកូនៗរបស់លោក កាន់តែធំច្រូងច្រាងទៅហើយ ដោយមានកូនប្រុស ២នាក់ និងកូនស្រី២នាក់ ដែលមានមុខមាត់ស្អាតៗ និងគួរឱ្យស្រឡាញ់ខ្លាំង។

គួររំលឹកផងដែរថា តារាប្រុសរូបនេះ បានចូលរោងការ និងសាងជីវិតគ្រួសារជាង ២០ឆ្នាំទៅហើយ រហូតទទួលកូនប្រុសស្រីធំៗ និង គួរឱ្យស្រឡាញ់បែបនេះ៕