មិនត្រឹមតែស្រស់ស្អាត បេក្ខភាពបវរកញ្ញាភេទទី៣ រូបនេះ អាចនិយាយបានដល់ទៅ ៤ ភាសា (វីដេអូ)
ជាការពិតណាស់ Miss Queen Cambodia ជាកម្មវិធីប្រកួតបវរកញ្ញាភេទទី៣ ដែលប្រទេសកម្ពុជាបានបង្កើតឡើងនៅឆ្នាំ២០២០ ដោយបានធ្វើកម្មវិធីស្វែងរកឃើញម្ចាស់ម្កុដ Miss Queen Cambodia 2020 រួចហើយ ដែលថ្មីនេះ នឹងគ្រោងធ្វើកម្មវិធីប្រកួតជ្រើសរើសបេក្ខភាពភេទទី ៣ ដើម្បីក្លាយជាម្ចាស់ម្ដុដ Miss Queen Cambodia 2021 ដែលជារដូវកាលទី២នេះ ក្នុងពេលឆាប់ៗនេះ ។
ជាមួយគ្នានោះ ស្របពេលដែលការប្រកួតជិតឈានមកដល់ ឃើញថាមានបេក្ខភាពភេទទី ៣ បានបង្ហាញសមាសភាពចូលរួមជាបន្តបន្ទាប់ ដែលសុទ្ធសឹងតែមានរូបសម្រស់ស្រស់ស្អាត ព្រមទាំងមានសមត្ថភាព និង ទេពកោសល្យរៀងៗខ្លួន ។
ដោយឡែកក្នុងនោះ ចាប់អារម្មណ៍ឃើញលើបេក្ខភាពមួយរូប ដែលកំពុងតែមានភាពលេចធ្លោខ្លាំង ដែលមិនត្រឹមតែមានរូបសម្រស់ស្រស់សោភានោះទេ ថែមទាំងមានសមត្ថភាពអាចនិយាយបានរហូតទៅ ៤ ភាសា បានយ៉ាងល្អ ។ នេះបើតាមវីដេអូណែនាំខ្លួន បានឱ្យដឹងថា បេក្ខភាពភេទទី៣ រូបនេះ មានឈ្មោះថា Kim Nayong មានអាយុ ២៥ឆ្នាំ មកពីខេត្តកោះកុង ដែលអាចនិយាយបាន ៤ ភាសានេះ រួមមាន អង់គ្លេស, វៀតណាម, ថៃ និង កូរ៉េ ។
គួរបញ្ជាក់ផងដែរថា កម្មវិធីជ្រើសរើសបវរកញ្ញាភេទទី ៣ នេះ កម្ពុជាបានបង្កើតឡើងក្នុងគោលបំណងចូលរួមលុបបំបាត់ការរើសអើងភេទទី ៣ ក្នុងសង្គម ៕
សូមទស្សនាវីដេអូខាងក្រោម៖
