ច្បាស់ហើយ! បុរសដែលកៀកកិត រចនា រ៉ាវាឌី មិនមែន ព្រីន ថ្ងៃមុននោះ មានទំនាក់ទំនងពិសេសនឹងនាងខ្លាំង

កាលពីពេលកន្លងមក មហាជនអ្នកគាំទ្រតារាសម្តែង និង ម៉ូដែល រចនា រ៉ាវាឌី ប្រាកដជាធ្លាប់បានជ្រាបមកហើយថា ក្រោយពីបានសម្តែងរឿងភាគជាច្រើនរួមគ្នានឹងតារាប្រុសសង្ហា ព្រីន ហើយនោះ រចនា រ៉ាវាឌី ក៏ត្រូវបានអ្នកគាំទ្រចាប់គូចង់ឱ្យនាង និង តារាប្រុសរូបនេះមានទំនាក់ទំនងស្នេហ៍ពិត នៅជីវិតខាងក្រៅរបស់ខ្លួន ។

ក្នុងនោះដែរ បើទោះជាមានការចាប់ផ្សំផ្គុំលើ រចនា រ៉ាវាឌី និង ព្រីន ក៏ពិតមែន​ តែអ្នកទាំង ២ ក៏មិនទាន់បានចេញមុខថាខ្លួនមានទំនាក់ទំនងពិសេសអ្វីនឹងគ្នានៅឡើយទេ ប៉ុន្តែបើក្រឡេកទៅមើលសកម្មភាពស្និទ្ធស្នាល ការយកចិត្តទុកដាក់ពីលោក ព្រីន ទៅកាន់ រចនា រ៉ាវាឌី នោះ គឺហាក់ដូចជាគូស្នេហ៍ពិតប្រាកដអ៊ីចឹង ។

ដោយឡែក ថ្មីៗនេះ រចនា រ៉ាវាឌី ក៏បានបែកធ្លាយរូបភាពស្និទ្ធស្នាលកៀកកើយនឹងបុរសម្នាក់ទៀត ដែលមិនមែនជាលោក ព្រីន ដោយគេបានស្គាល់ថាជាតារាសម្តែង និង ម៉ូដែល លោក ឌីរ៉ូត ។ ភាពស្និទ្ធស្នាលនោះ បានធ្វើឱ្យអ្នកគាំទ្រហាក់ស្រពិចស្រពិល​ និង មានចម្ងល់យ៉ាងខ្លាំងថា លោក ឌីរ៉ូត ត្រូវជាអ្វីនឹងនាង ព្រោះគ្រប់រូបភាពមើលទៅ លោក ឌីរ៉ូត ហាក់កៀកកិតស្និទ្ធស្នាលនឹង រចនា រ៉ាវាឌី លើសពីលោក ព្រីន ទៅទៀត ។

យ៉ាងណាមិញ កាលពីថ្ងៃទី ២៨ ខែកក្កដា ឆ្នាំ ២០២១ កន្លងទៅ រូបភាពជាច្រើនសន្លឹករបស់កញ្ញា រចនា រ៉ាវាឌី និង លោក ឌីរ៉ូត ដើរផ្សារទិញម្ហូបអាហារជាមួយគ្នា ត្រូវបានចែករំលែកនៅបណ្តាញសង្គមជាថ្មីម្តងទៀត ហើយក៏មានការចោទជាសំណួរដូចដើមថាអ្នកទាំង ២ ត្រូវជាអ្វីនឹងគ្នា ស្រាប់តែ រចនា រ៉ាវាឌី មិនបង្អង់ចេញមុខបកស្រាយមន្ទិលនេះភ្លាមៗ ។

ការពិតនោះ កញ្ញា រចនា រ៉ាវាឌី និង លោក ឌីរ៉ូត គឺពិតជាមានទំនាក់ទំនងពិសេសនឹងគ្នាពិតមែន ដែលធ្វើឱ្យអ្នកទាំង ២ មានភាពស្និទ្ធស្នាលខ្លាំងជាងលោក ព្រីន ព្រោះ កញ្ញា រចនា រ៉ាវាឌី បានរាប់អានគ្នាក្នុងនាមជាប្អូនស្រី បងប្រុស នឹងលោក ឌីរ៉ូត ជាច្រើនឆ្នាំមកហើយ តាំងពីនាង ចូលប្រឡូកក្នុងវិស័យសិល្បៈដំបូងៗមកម្ល៉េះ ហើយសង្ឃឹមថាការបញ្ជាក់នេះដែរ អ្នកគាំទ្រឈប់យល់ច្រឡំបន្តទៅទៀត ៕