បាត់មុខ Weir និង Bella ស្វីតលើបណ្ដាញសង្គមយូរពេក អ្នកគាំទ្រទប់ចិត្តមិនបាន ក៏ធ្វើរឿងភ្ញាក់ផ្អើលនេះឡើង

ជារឿយៗ មហាជនតែងតែឃើញតារាសម្ដែងប្រុស លោក Weir Sukollawat និង តារាសម្ដែងស្រីនាង Bella Ranee បណ្ដើរគ្នាពុំសូវជាលស់ថ្ងៃឡើយ និង បង្ហោះរូបភាពស្វីតៗជាមួយគ្នាលើបណ្ដាញសង្គមមិនដែលដាច់នោះទេ ។

ដោយឡែក ពេលនេះប្រទេសថៃហាក់កំពុងតែរាតត្បាតខ្លាំងនូវជំងឺកូវីដ-១៩ ក្នុងនោះគេកត់សម្គាល់ឃើញថា វត្តមានគូស្នេហ៍តារាស្រីប្រុសទាំងពីរហាក់បីស្ងាត់ពីបណ្ដាញសង្គម មិនសូវជាឃើញបង្ហោះរូបផ្អែមល្ហែមទៀតឡើយ ។

យ៉ាងណាមិញ បើងាកទៅមើលអ្នកគាំទ្រគូស្នេហ៍តារាស្រីប្រុសខាងលើឯណោះវិញ ខណៈដែលឃើញតារាដួងចិត្តរបស់ពួកគេដូចជាស្ងាត់មិនសូវជាបង្ហាញភាពផ្អែមល្ហែមទៀតនោះ ព្រោះតែក្ដីនឹករឭកគេក៏បានយករូបភាពចាស់ដែលតារាស្រីនាង Bella និង Weir បាននាំគ្នាទៅលេងកម្សាន្ត នៅតាមខេត្តយកមកបង្ហោះ ។

ជាមួយរូបភាពដ៏ស្វីតដែលបង្ហោះឡើងវិញដោយក្រុមអ្នកគាំទ្រនោះ បានអង្រួនចិត្តអ្នកគាំទ្រឯទៀត ចូលទៅខមមិនចង់ឃើញរូបភាពបែបនេះនៅពេលបច្ចុប្បន្ន ជាងឃើញរូបភាពចាស់ៗ តែយ៉ាងណាប្រហែលពួកគេពុំអាចឃើញទេ ព្រោះថាកូវីដរាលដាលខ្លាំងបែបនេះ តារាស្រី Bella និង សង្សារ ត្រូវនៅឆ្ងាយគ្នាមួយរយៈសិន ៕