មិនដឹងអ្វីសោះ The Toy ត្រូវបានអ្នកគាំទ្រដាក់ឱ្យមួយរយៗ ព្រោះយល់ច្រឡំស្មានថា Toy Toy
The Toy ជាតារាចម្រៀងវ័យក្មេងរូបសង្ហាមានប្រជាប្រិយភាពខ្លាំងក្នុងស្រទាប់យុវ័យសម័យថ្មី ។ កន្លងមកតារាប្រុសរូបនេះ ហាក់ពុំសូវលេចឮរឿងអាស្រូវ ឬក៏ការជេរតិះដៀលពីមហាជននោះឡើយ ។
ដោយឡែក ថ្មីៗនេះ ស្រាប់តែផ្ទុះការចាប់អារម្មណ៍មួយចំពោះ The toy ព្រោះនៅសុខៗតារាប្រុសរូបនេះ ស្រាប់តែត្រូវបានមហាជនអ្នកគាំទ្រជេរប្រមាថយ៉ាងខ្លាំងៗទាំងដែលលោកពុំបានធ្វើអ្វីសោះឡើយ ។
ជាមួយនឹងឃើញការជេរប្រមាថថា «ចិត្តអ្នកឯងសាងពីអ្វី ហេតុអ្វីទៅចាក់សម្លាប់គេ អ្នកឯងមិនមែនជាមនុស្សឡើយ» ។ ដូចនេះតារាប្រុស The Toy ក៏បានចេញមកសរសេរសារបង្ហោះទៅវិញថា « ខ្ញុំជិះកង់ចង់រលំដួលហើយ សួរថាឱ្យខ្ញុំទៅចាក់សម្លាប់នរណាបាន» ។
ជាមួយនឹងរឿងនេះ គឺកើតឡើងពីការយល់ច្រឡំរបស់មហាជនគិតថា The Toy គឺជា Toy Toy ដែលថ្មីៗកន្លងទៅ តារាប្រុសវ័យ ២១ ឆ្នាំ Toy Toy បានចាក់សម្លាប់សង្សាររបស់ខ្លួនជាង ២០ កាំបិតដេកស្លាប់នៅកន្លែង ។ ដោយរឿងនេះហើយ ទើបធ្វើឱ្យមហាជនមានការយល់ច្រឡំថាតារាចម្រៀងប្រុស The Toy នោះ ៕
