ទៅទឹកដីអាមេរិកភ្លាម Due Arisara និង សង្សារសេដ្ឋី កាន់ដៃគ្នាឡើងស្អិតទៅធ្វើរឿងនេះភ្លែត

កាលពីពេលថ្មីៗកន្លងទៅនេះ តារាសម្ដែងស្រីស្រស់ Due Arisara និង សង្សារបណ្ដូលចិត្តសេដ្ឋីហាយសូរ លោក Sebastian Lee បានកាន់ដៃគ្នាឡើងយន្តហោះទៅទឹកដីសហរដ្ឋអាមេរិក ដើម្បីដើរកម្សាន្ត ។ ជាមួយដំណើរកម្សាន្តដ៏រីករាយនោះ តារាស្រី Due ក៏បានចេញមកបង្ហោះរូបភាពស្វីតៗ ផ្អែមល្ហែមនឹងសង្សារបណ្ដូលចិត្តផងដែរ ។

ទន្ទឹមនឹងនោះ ខណៈដែលបានទៅកាន់ទឹកដីសហរដ្ឋអាមេរិកហើយ មិនបង្អង់យូរតារាស្រីស្រស់ Due និង មិត្តប្រុស ក៏បាននាំគ្នាទៅទទួលវ៉ាក់សាំងប្រឆាំងនឹងជំងឺកូវីដ-១៩ Pfizer ភ្លែតតែម្ដង ដោយហេតុថាបច្ចុប្បន្ននៅប្រទេសរបស់នាង ហាក់ពុំទាន់បានស្ងប់ស្ងាត់នោះទេពីការរីករាលដាលឆ្លងនូវជំងឺកូវីដ-១៩ នេះ ។

ដូចដែលបានឃើញរូបភាពទទួលបានការចាក់វ៉ាក់សាំងរបស់តារាស្រីរូបនេះ ពិតជាធ្វើឱ្យមហាជនយល់ថា មិនត្រឹមតែទៅលេងកម្សាន្តធម្មតាទេ Due និង សង្សារ ប្រហែលជាមានគម្រោងទៅចាក់វ៉ាក់សាំងនេះឯង ។ យ៉ាងណាក៏ដោយ ក៏មហាជនអ្នកគាំទ្រ នៅតែអួតសរសើរពីខ្សែជីវិតតារាស្រី Due ណាស់ ពីព្រោះនាងបានរកឃើញដៃគូជីវិតដ៏ល្អ និង ចេះគិតគូរពីនាងគ្រប់ពេលវេលា ហើយមហាជនក៏បន់ឱ្យពួកគេរៀបការឆាប់ៗផងដែរ ៕