![មុនប្រើជីវិត Single តារាចិន Yang Yang ធ្លាប់ផ្ទុះរឿងអាស្រូវស្នេហានឹងតារាស្រី ៥ នាក់](https://www.popular.com.kh/wp-content/uploads/2021/08/N003.jpg)
មុនប្រើជីវិត Single តារាចិន Yang Yang ធ្លាប់ផ្ទុះរឿងអាស្រូវស្នេហានឹងតារាស្រី ៥ នាក់
Yang Yang គឺជាតារាសម្តែងប្រុសរបស់ចិនមួយរូប ដែលមានប្រជាប្រិយភាពក្នុងការគាំទ្រខ្លាំងពីសំណាក់ទស្សនិកជនជាច្រើន ។ ដោយសារតែ ជំនាញសម្ដែងដ៏ប៉ិនប្រសប់ គួបផ្សំជាមួយរូបសម្បត្តិស្រស់សង្ហារបស់លោក បានជាធ្វើឱ្យអ្នកគាំទ្រស្រឡាញ់ពេញចិត្តកាន់តែខ្លាំងឡើង ជាក់ស្ដែងដូចជារឿងភាគថ្មី «You Are My Glory» ដែលកំពុងតែចាក់បញ្ចាំង នាពេលកន្លងទៅនេះ ។
បើនិយាយអំពីជីវិតឯកជន ក្រៅពីអាជីពសិល្បៈរបស់លោក ក៏មានអ្នកគាំទ្រមួយចំនួនហាក់ចង់ដឹងចង់ឮអំពីរឿងរ៉ាវស្នេហារបស់តារាប្រុសសង្ហានេះ មិនតិចផងដែរ ។ ថាតើនារីរូបណាដែលមានសំណាងធ្វើជាគូស្នេហ៍របស់ Yang Yang ។ ថ្វីត្បិតតែ លោកមិនធ្លាប់បានប្រកាសជាផ្លូវការអំពីទំនាក់ទំនងស្នេហាជាមួយនឹងតារាស្រីរូបណាក៏ដោយ ប៉ុន្តែតារាប្រុសរូបនេះ ក៏ធ្លាប់មានរឿងស្នេហាចចាមអារ៉ាមច្រើនមិនធម្មតាដែរ ។
១. តារាសម្ដែងស្រី Li Qin
ក្នុងឆ្នាំ ២០១០ Yang Yang និង Li Qin បានជួបគ្នានៅក្នុងរឿង «The Story of the Stone» ដែលថតសម្ដែងរួមគ្នា ។ ដើមឡើយ អ្នកទាំងពីរ គឺជាតួសម្ដែងដ៏ល្អ ទាក់ទាញបានប្រជាប្រិយភាពនឹងការចាប់អារម្មណ៍ ទាំងក្នុងសាច់រឿង និង ក្រៅសាច់រឿង រហូតដល់ទស្សនិកជនសង្ស័យថា អ្នកទាំងពីរគឺជាគូស្នេហ៍នឹងគ្នា ។
នៅចុងបញ្ចប់ តារាប្រុសស្រីទាំងពីរនេះ ក៏បានបញ្ជាក់ថា មិនមានទំនាក់ទំនងស្នេហានឹងគ្នានោះទេ ។ ទោះជាយ៉ាងណា គេនៅតែគិតថា អាចមកពី Yang Yang រវល់នឹងកាលវិភាគការងារច្រើនពេក ទើបបានជាទំនាក់ទំនងមួយនេះ មិនអាចបន្តទៅមុខបាន ។
២. តារាសម្ដែងស្រី Zhang Tianai
តារាប្រុសរូបនេះ ធ្លាប់រួមការងារសម្ដែងជាមួយនឹង Zhang Tianai ក្នុងរឿង «I Belonged to You» អាចនិយាយបានថា ជារឿងភាគមួយដែលមានអ្នកទស្សនាច្រើន និង ចាប់អារម្មណ៍ខ្លាំងបំផុត ។ ក្រោយពីសម្ដែងរឿងមួយនេះហើយ ភាពស្និទ្ធស្នាលលើសពីមិត្តរួមការងាររបស់តារាទាំងពីរ កាន់តែខ្លាំងឡើងនៅពេលដែលទទួលថតផ្សាយពាណិជ្ជកម្ម ។
ពេលនោះ Yang Yang និង Zhang Tianai ត្រូវគេសង្ស័យថា កំពុងមានទំនាក់ទំនងស្នេហានឹងគ្នា ប៉ុន្តែវាក៏ត្រូវបានបញ្ចប់ទៅវិញ បន្ទាប់ពីមានព័ត៌មានអះអាងថា ជារឿងចចាមអារ៉ាមស្នេហា ប៉ុណ្ណោះ ។
៣. តារាសម្ដែងស្រី Zheng Shuang
ពីមុន Zheng Shuang ក៏ធ្លាប់ត្រូវបានអ្នកគាំទ្រសង្ឃឹមថា នាង និង Yang Yang អាចក្លាយជាគូស្នេហ៍នឹងគ្នា ផងដែរ ។ ក្រោយពីអ្នកទាំងពីរបានសម្ដែងរឿងភាគ «Love O2O» ជាមួយគ្នា កាន់តែភាពផ្អែមល្ហែមនឹងគ្នា ធ្វើឱ្យអ្នកទស្សនាចាប់អារម្មណ៍ជាខ្លាំង ។ ទោះយ៉ាងណាក៏ដោយ ទំនាក់ទំនងរបស់អ្នកទាំងពីរ មិនអាចក្លាយជាការពិតបាននោះទេ ដោយសារតែ តារាស្រីរូបនេះ បានទទួលរងរឿងអាស្រូវដ៏ចម្រូងចម្រាស់ផ្ទាល់ខ្លួនច្រើនពេក ។
៤. តារាសម្ដែងស្រី Victoria Song
ជាក់ជឿថា អ្នកគាំទ្រភាគច្រើនច្បាស់ជាបានដឹងអំពីទំនាក់ទំនងរបស់ Vicotria Song និង Yang Yang តាមរយៈប្រព័ន្ធផ្សព្វផ្សាយជាច្រើន តែងតាមប្រមាញ់ផ្តិតនូវរូបថតជាច្រើនរបស់អ្នកទាំងពីរ ។ ព័ត៌មានរបស់ពួកគេ បានក្លាយជាទីចាប់អារម្មណ៍យ៉ាងខ្លាំងពីអ្នកគាំទ្រ ប៉ុន្តែទោះជាយ៉ាងណា Victoria បានបដិសេធចំពោះព័ត៌មានស្នេហានេះ ហើយ Yang Yang ក៏បានបដិសេធដូចគ្នា ឆ្លើយតបទៅនឹងព័ត៌មាន ដែលមិនមានភស្តុតាងច្បាស់លាស់ ។
៥. តារាសម្ដែងស្រី Qiao Xin
ធ្លាប់មានព័ត៌មានបានចុះផ្សាយថា Qiao Xin និង Yang Yang ត្រូវបានគេប្រទះឃើញអ្នកទាំងពីរ បានដើរផ្សារទំនើបមួយកន្លែង នៅទីក្រុងឡុងដ៍ ។ ខណៈនៅលើ Weibo របស់តារាស្រីរូបនេះ បានបញ្ជាក់ថា នាងក៏មានមិត្តប្រុសរួចហើយ បានធ្វើឱ្យគេសង្ស័យថា Qiao Xin មានទំនាក់ទំនងជាមួយ Yang Yang ។ ក្រោយពីផ្ទុះព័ត៌មានស្នេហាកាន់តែខ្លាំងឡើង ក៏មានអ្នកលេងអ៊ីនធឺណេតម្នាក់ បានចេញមកអះអាងថា បុរសដែលនៅក្នុងរូបនោះ មិនមែនជា Yang Yang ទេ ។ ហើយក៏គ្មានការឆ្លើយតបណាមួយចេញពីតារាទាំងពីរ ផងដែរ ។
រហូតមកមិនយូរប៉ុន្មាន Yang Yang ផ្ទាល់ក៏បានបង្ហើបអំពីរឿងមិត្តស្រីចំពោះមុខសាធារណជន ដូចដែលបានឡើងលើកថា លោក មានតម្រូវការខ្ពស់ណាស់ ដោយសារតែលោករវល់ខ្លាំងជាមួយនឹងការងារ ដូច្នេះទើបបានជាលោកមិនមានជាប់ជំពាក់ចិត្តលើអ្នកណាម្នាក់ទេ រហូតមកដល់ពេលនេះ ៕