មាននឹកទេ! ស្ងាត់ៗស្រីស្រស់ CL នឹងបញ្ចេញអាល់ប៊ុមធំដំបូងបង្អស់របស់ខ្លួន នៅក្នុងខែនេះ

បន្ទាប់ពីក្រុមចម្រៀងនារីល្បី 2ne1 បានរំសាយក្រុមនៅឆ្នាំ ២០១៦ មក គេឃើញថា​ ស្រីស្រស់ CL ជាអតីតសមាជិក បាននៅតែបន្តកាងារសិល្បៈជាអ្នកចម្រៀងទោលរហូតមក។

ស្របគ្នានេះដែរ ថ្មីៗនេះ នាងក៏បានឱ្យដឹងប្រកាសពីការត្រលប់មកបម្រើអារម្មណ៍អ្នកគាំទ្រម្តងទៀត តាមរយៈអាល់ប៊ុម ចម្រៀងពេញដំបូងបង្អស់ របស់ខ្លួនដែលមានឈ្មោះថា « ALPHA» ផងដែរ បន្ទាប់ពីប្រឡូកក្នុងសិល្បៈអស់ជាងរយៈពេល ១៣ ឆ្នាំ។

បើតាមព័ត៌មានបានឱ្យដឹងថា CL បម្រុងនឹងបញ្ចេញអាល់ប៊ុមនេះ តាំងពីចុងឆ្នាំ ២០២១ មកម្ល៉េះ តែដោយសារស្ថានភាពមិនអំណោយផល នាងក៏បានពន្យារពេលមកដល់ឆ្នាំនេះតែម្តង។ យ៉ាងណាមិញ ឥឡូវនេះ នាងបានបញ្ជាក់ឱ្យដឹងរួចរាល់ហើយថា នាងនឹងទម្លាក់ចម្រៀងទោលមួយបទជាមុន នៅថ្ងៃទី ២៤ ខែសីហា ឆ្នាំ ២០២១ នេះ រួចនឹងបន្ដទម្លាក់បទទីពីរ នៅខែកញ្ញា។ បន្ទាប់មក នឹងបញ្ចេញអាល់ប៊ុមពេញនៅខែតុលា ឆ្នាំ ២០២១ នេះ។

យ៉ាងណាមិញ អ្នកគាំទ្រទាំងឡាយមានការនឹករឭកយ៉ាងខ្លាំង ហើយក៏នាំគ្នាទន្ទឹងរង់ចាំយ៉ាងរំភើបផងដែរ នូវវត្តមានចម្រៀងថ្មីរបស់តារាសំណព្វចិត្ត ដែលនឹងមករញ្ជួយសោតាពួកគេម្តងទៀតនោះ៕

ប្រភព៖ ALL KPOP