មិនទាន់ដល់វគ្គជម្រុះផង ឆន ស្រីនេត ត្រូវមហាជនហ៊ានពោលបែបនេះបាត់
ស្របពេលដំណើរការប្រកួត Miss Universe Cambodia 2021 «Road to Miss Universe Cambodia 2021» កំពុងតែឆ្ពោះទៅរកបវរកញ្ញាឯកបន្ទាប់ពីកញ្ញា រ៉េត សារីតា ហើយនោះ មហាជនអ្នកគាំទ្រសង្កេតឃើញបេក្ខភាពបានចូលរួមកម្មវិធីខាងលើនេះជាច្រើន សុទ្ធសឹងតែស្រស់ស្អាត មានចំណេះដឹង និង សមត្ថភាពខ្លាំងៗគួរឱ្យកត់សម្គាល់ ។
ក្នុងនោះ ចំណោមបេក្ខភាពជាច្រើនរូប ក៏មានបេក្ខភាពមួយរូបគឺ កញ្ញា ឆន ស្រីនេត ដែលជាកូនខ្មែរកម្ពុជាក្រោម ក៏ត្រូវបានអ្នកគាំទ្រវិស័យដើរម៉ូដ ជាពិសេសកម្មវិធី Miss Universe Cambodia កំពុងតែបើកក្រសែភ្នែកមើលទៅលើរូបនាង ពីសម្ថភាព ឆន្ទៈ និង សម្រស់របស់នាងផងដែរ ។ លើសពីនោះ កញ្ញា ឆន ស្រីនេត ត្រូវបានអ្នកគាំទ្រវិស័យដើរម៉ូដ រំពឹងទុថា នាងអាចនឹងដូច Miss Universe Cambodia 2020 កញ្ញា រ៉េត សារីតាទៀតផង ។
ថ្មីនេះដែរ ផេកគាំទ្របវរកញ្ញាដ៏ល្បីមួយឈ្មោះ Team Cambodia ក៏បានបង្ហោះសារមួយរៀបរាប់ពី កញ្ញា ឆន ស្រីនេត ដោយផេកនេះ បានលើកឡើងថា ឆន ស្រីនេត អាចនឹងមានវាសនា និង ភាពជោគជ័យដូចទៅនឹងកញ្ញា រ៉េត សារីតា ដោយក្នុងនោះ ផេកនេះបានរំពឹងថា ម្ចាស់មកុដ MUC 2021 អាចនឹងបានទៅកូនខ្មែរកម្ពុជាក្រោមវ័យ ២៥ ឆ្នាំរូបនេះ ។
ផេក Team Cambodia បានរៀបរាប់ថា «Miss Universe not Miss Photo shoot អូយ Admin សើចសិន អ្នកភ្លេចហើយឬ ? តើនរណាអ្នកនិយាយ ? ថានេះជាភាពទាក់ទាញ និង ដើម្បីទទួលបានការចាប់អារម្មណ៍ពីគណៈកម្មការ ។ Chhon Sreynet មិនខុសពី សារីតា ឡើយ ដោយទទួលបានការចាប់អរម្មណ៍ពីអ្នកគាំទ្រតាំងថ្ងៃប្រកាសចូលរួមប្រកួតបវរកញ្ញាកម្ពុជា Miss Universe Cambodia ឆ្នាំ ២០២១ ពីដំបូងអាចនឹងរហូតដល់ថ្ងៃគ្រងមកុដ ។ ឆ្នាំមុនយើងមាន សារីតា ឆ្នាំនេះយើងមាន Neth Son ?» ។
ក្រោយពីផេកគាំទ្របវរកញ្ញាកម្ពុជាខាងលើបានបង្ហោះសារដូច្នេះហើយ ក៏មានអ្នកលេងបណ្តាញសង្គមជាច្រើនបានចូលទៅបញ្ចេញមតិគាំទ្រ ហើយខ្លះទៀត ក៏បានលើកឡើងថា ឆ្នាំ ២០២១ នេះ មានបេក្ខភាពចូលរួមប្រកួតសុទ្ធសឹងតែស្រស់ស្អាត និង មានសម្ថភាពច្រើន ដូច្នេះជ័យលាភីថ្ងៃចុងក្រោយនឹងបានទៅអ្នកណា មានតែរង់ចាំអ៊ុតមើលទាំងអស់គ្នា ៕
