កំពូលតារាហុងកុង Kenneth Ma ធ្លាប់ជួបព្យុះរឿងអាស្រូវស្នេហ៍តារាស្រី ៣ រូប
ក្នុងនាមជាតារាសម្ដែងប្រុសរបស់ហុងកុងដែលសម្បូរប្រជាប្រិយភាព ក៏ដូចជាគ្រាប់ពេជ្ររបស់ប៉ុស្តិ៍ទូរទស្សន៍ TVB លោក Kenneth Ma គឺជាតារាប្រុសមួយរូប ចូលចិត្តប្រើជីវិតផ្ទាល់ខ្លួនបែបរ៉ូមេនទិក និង ពេញពាសដោយមនោសញ្ចេតនា ។
ដើមឡើយ តារាសម្ដែងប្រុសវ័យ ៤៧ ឆ្នាំ រូបនេះ លោកបានបង្ហើបប្រាប់ថា ធ្លាប់មានទំនាក់ទំនងជាមួយនារី ៣ នាក់ប៉ុណ្ណោះ ។ ស្នេហាដំបូងរបស់លោក នៅពេលដែលលោកជានិស្សិតផ្នែកវិស្វកម្ម នៅប្រទេសកាណាដា ធ្លាប់មានទំនាក់ទំនងស្នេហាជាមួយនឹងតារាសម្ដែងស្រី Nancy Wu ក្រោយមកលោកក៏មានទំនាក់ទំនងនឹងតារាស្រី ២ រូបទៀត ដែលស្ថិតក្នុងវិស័យកម្សាន្តនេះផងដែរ ។
១. តារាសម្ដែងស្រី Nancy Wu
បើនិយាយអំពីតារាសម្ដែងស្រី Nancy Wu ចំពោះលោក Kenneth Ma នាងគឺជានារីម្នាក់ដែលរឹងមាំ និង មានភាពអស្ចារ្យ ដែលលោកតែងតែសរសើរ ហើយអ្នកទាំងពីរបានជួបគ្នាដំបូង នៅពេលដែលពួកគេបានរួមការងារជាមួយនឹងគ្នា ។ ចាប់តាំងពីថ្ងៃស្រឡាញ់រហូតដល់អ្នកទាំងពីរបានសម្រេចចែកផ្លូវគ្នា ដោយសន្តិវិធី ។ លោក Kenneth ក៏មិនដែលពាក់ព័ន្ធនឹងពាក្យចចាមអារ៉ាមអវិជ្ជមានពីមុនទេ ហើយខ្លាចថានៅពេលទំនាក់ទំនង ត្រូវបានបង្ហាញវាអាចនឹងប៉ះពាល់ដល់រូបនាង ។
២. តារាសម្ដែងស្រី Margie Tsang
ចាប់តាំងពី Kenneth Ma និង Margie Tsang ត្រូវគេប្រទះឃើញមានភាពស្និទ្ធស្នាលនឹងគ្នាជាច្រើនឆ្នាំ បើសង្កេតមើលទៅរូបថតគូរបស់អ្នកទាំងពីរ ត្រូវបានអ្នកគាំទ្រសង្ស័យថា ពួកគេកំពុងមានទំនាក់ទំនងនឹងគ្នា ។ តារាប្រុសរូបនេះ ក៏ជៀសមិនផុតពីសំណួរចាក់ដោតនឹងពាក្យចចាមអារ៉ាមស្នេហាជាមួយនឹងតារាស្រីវ័យច្រើនជាងខ្លួននោះទេ ។ ជុំវិញរឿងហេតុនេះ ក៏មិនទាន់មានការបកស្រាយច្បាស់ណាមួយពីភាគីសាមីខ្លួនទាំងពីរ នោះឡើយ ។
៣. តារាសម្ដែងស្រី Sharon Chan
លោក Kenneth Ma និង Sharon Chan អ្នកទាំងពីរក៏ធ្លាប់មានរឿងចចាមអារ៉ាមពីទំនាក់ទំនងស្នេហាជាមួយគ្នា ចាប់តាំងពីបានសម្ដែងរួមគ្នា ក្នុងរឿង «Dream of Colors» ក្នុងឆ្នាំ ២០០៤ ។ ទោះជាមានការគាំទ្រឱ្យអ្នកទាំងពីរស្រឡាញ់គ្នាជាផ្លូវការយ៉ាងណាក៏ដោយ តារាប្រុសស្រីរបស់ទូរទស្សន៍ TVB មួយគូនេះ បានបកស្រាយហើយថា ទំនាក់ទំនងរបស់អ្នកទាំងពីរ មិនអាចលើសពីរួមការងារនោះទេ ៕
