ធ្វើឱ្យមហាជនជ្រួលច្របល់ទៀតហើយ ថ្ងៃខួប Tono ស្រាប់តែ Nychaa ធ្វើរឿងនេះឡើង

តារាសម្ដែងស្រីស្រស់រាងតូចច្រឡឹង Nychaa និង តារាប្រុសរូបសង្ហាលោក Tono ជាតារាដែលមហាជនស្គាល់ និង ទទួលបានការគាំទ្រច្រើន ជាពិសេសពួកគេទាំងពីរជាដៃកូដ៏ស័ក្ដិសមណាស់ រហូតអ្នកគាំទ្រនាំគ្នាចាប់ផ្គូផ្គងឱ្យពួកគេថែមទៀតផង ។

ទន្ទឹមនឹងការចាប់ផ្គូផ្គងនេះ គេក៏កត់សម្គាល់ថាពួកគេហាក់បីមានភាពស្និទ្ធស្នាល និង ផ្អែមល្ហែមគ្នាខ្លាំង ។ មិនត្រឹមប៉ុណ្ណោះ សូម្បីតែការបង្ហោះរូបភាពផ្សេងៗក្នុងបណ្ដាញសង្គម ក៏ពួកគេសម្ដែងឱ្យឃើញពីទំនាក់ទំនងមួយលើសពីមិត្តភក្តិ បងប្អូន ពោលគឺប្រៀបបីដូចជាសង្សារហើយ តែតារាស្រីប្រុសមួយគូនេះ ហាក់មិនទាន់ក្លាហាននិយាយប្រាប់មហាជនតែប៉ុណ្ណោះ ។

យ៉ាងណាមិញ ថ្មីៗនេះ ពិតធ្វើឱ្យអ្នកគាំទ្រចាប់ក្រសែភ្នែកតាមដានទៀតហើយចំពោះគូស្នេហ៍លាក់លៀមតារាថៃគូនេះ បន្ទាប់ពីតារាស្រីស្រស់ Nychaa ចេញមកបង្ហោះរូបភាពជូនពរយ៉ាងស្វីតចំពោះតារាប្រុសសង្ហា Tono ក្នុងថ្ងៃខួបកំណើត ដោយកម្រងរូបភាពគូកាលដែលពួកគេដើរកម្សាន្តជាមួយគ្នាកន្លងទៅ ។ លើសពីនោះ ស្រីស្រស់ Nychaa ក៏បានសរសេរសារជូនពរមួយឃ្លាផងដែរថា «Happy Birthday 35th Just be Yourself no need nothing else» ។

ក្នុងនោះ បើងាកទៅមើលមហាជនអ្នកគាំទ្រវិញ ស្របពេលឃើញតារាស្រីប្រុសក្នុងដួងចិត្តពួកផ្អែមល្ហែមគ្នាបែបនោះ ម្នាក់ៗបន់ឱ្យតែពួកគេប្រកាសឈ្មោះជាសង្សារឆាប់ៗនោះទេ ។ ដូចគ្នានោះ ក៏មានប្រិយមិត្តជាច្រើនបានចូលទៅបញ្ចេញមតិជូនពរដល់តារាប្រុស Tono ព្រោងព្រាតផងដែរ៕