ធ្លាយព័ត៌មាន Alec Su តួព្រះអង្គម្ចាស់ទី ៥ លួចរៀបការនឹងនារីអភិជនសម្បូរទ្រព្យម្នាក់

តារាសម្ដែងតៃវ៉ាន់ លោក Alec Su បានចូលប្រឡូកក្នុងវិស័យសិល្បៈកម្សាន្តអស់រយៈ ៣៣ ឆ្នាំមកហើយ តារាប្រុសរូបនេះក៏ជាតួឯកប្រុសក្នុងរឿង «My Fair Princess» ឬ «ព្រះនាងត្រចៀកកាំ» ថែមទាំងជាមិត្តជិតស្និទ្ធរបស់ Zhao wei និង Ruby Lin ផងដែរ ប៉ុន្តែជីវិតស្នេហារបស់លោក តែងតែរក្សាជាភាពឯកជន​យ៉ាង​អាថ៌កំបាំង។

យ៉ាងណាមិញ កាលពីខែមិថុនាកន្លងទៅ តារាប្រុសវ័យ ៤៧ ឆ្នាំរូបនេះ ត្រូវបានគេទម្លាយថា លោកបានរៀបអាពាហ៍ពិពាហ៍សម្ងាត់​ជាមួយនឹង​នារី​អភិជនម្នាក់រយៈពេល ១០ ឆ្នាំមកហើយ។ ឆ្លើយតបតាមរយៈទីភ្នាក់ងាររបស់លោក បានចេញអះអាងថា នេះគ្រាន់តែជាព័ត៌មានមិនពិត មិន​មាន​អាពាហ៍ពិពាហ៍សម្ងាត់អ្វីនោះទេ។

ទោះជាយ៉ាងណាក៏មានប្រភពផ្សេងទៀត បានចុះផ្សាយថា Alec Su មានដៃគូស្នេហាយូរណាស់មកហើយ ហើយនាងគឺជានារី​ចេញ​ពីត្រកូ​ល​អ្នក​​មាន​ទ្រព្យស្តុកស្តម្ភ ហើយរូបសម្រស់ស្រស់ស្អាតដូចទេពអប្សរ។

ជាមួយគ្នានោះ លោក Alec Su ក៏ធ្លាប់រឿងចចាមអារ៉ាមជាមួយនឹង Amy កាលពីឆ្នាំ ២០០៣ និង បានប្រទះឃើញធ្វើដំណើររួមគ្នាទៅហុងកុង កាលពីឆ្នាំ ២០០៧ ផងដែរ។ នៅពេលនោះក៏ធ្លាយព័ត៌មានដែរថា លោកត្រូវបានគេលាតត្រដាងទាក់ទងនឹងរឿងរៀបអាពាហ៍ពិពាហ៍សម្ងាត់។

បើទោះជាមានព័ត៌មានច្រានចោលរួចហើយក៏ដោយ នៅតែមានគេនិយាយតៗគ្នារហូតដល់ពេលបច្ចុប្បន្ន មិនតែប៉ុណ្ណោះ​ថែមទាំងកំពុង​ស្វែង​រក​ប្រភពជាក់លាក់នៅលើបណ្ដាញសង្គម Weibo ទៀតផង៕

ប្រភព៖ ASIANNEWS