មិនងាប់ក្រឡា! ក្រៅពីសម្ដែង Kwan ស្ទុះទៅរកស៊ីលើមុខជំនួញទាំងនេះ សល់លុយរាប់លាន
Kwan Usamanee គឺជាតារាសម្ដែងស្រីជួរមុខដ៏មានប្រជាប្រិយភាពមួយរូបប្រចាំប្រទេសថៃ ដោយនាងមិនត្រឹមតែមានទេពកោសល្យផ្នែកសិល្បៈសម្ដែង ដើរម៉ូដដ៏ប៉ិនប្រសប់ប៉ុណ្ណោះទេ រីឯរូបសម្រស់ក៏ស្អាតលេចធ្លោ សាច់សភ្លឺរលោង ច្រមុះស្រួច ចង្កាព្រែក សមនឹងទម្រង់មុខបែបកូនកាត់បំផុត។
ចូលសិល្បៈមករាប់ឆ្នាំ តារាស្រីរូបនេះ បានសាងកេរ្តិ៍ឈ្មោះរបស់ខ្លួនល្បីរន្ទឺពេញប្រទេស។ ជាមួយគ្នានោះ ក្រៅពីអាជីពជាអ្នកសិល្បៈតារាស្រី Kwan ក៏ជាថៅកែស្រី និង អ្នកជំនួញស្រីវ័យក្មេងម្នាក់ដែលក្តាប់ក្រុមហ៊ុនរបស់ខ្លួនច្រើនផងដែរ។
ក្នុងនោះរួមមានក្រុមហ៊ុន Security & Cleaning Service Thailand ដែលជាក្រុមហ៊ុនអនាម័យសម្អាតតាមគេហដ្ឋាន ក្រុមហ៊ុន UZI Cosmetics គឺជាក្រុមហ៊ុន និង គ្លីនិកថែរក្សាសម្ផស្សល្បីក្នុងប្រទេសថៃមួយផងដែរ។ ជាការពិត បើទោះបីជានាងបញ្ចប់អាជីពជាអ្នកសិល្បៈ ក៏ជីវិតតារាស្រី Kwan មិនចេះខ្វះចាយនោះឡើយ។
ជារឿយៗ មហាជនអ្នកគាំទ្រតែងអួតសរសើរនាងជាតារាស្រីមានទេពកោលស្យ និង ឆ្លាតវៃក្នុងការរកស៊ី ហើយនាងក៏ជាមនុស្សម្នាក់អត់ធ្មត់តស៊ូខ្លាំងដែរជាមួយម្ដាយ ចាប់តាំងតែឪពុករបស់នាងបានបាត់បង់ទៅ។ Kwan ជាកូនកតញ្ញូណាស់ នាងតែងតែធ្វើអ្វីតាមចិត្តម្ដាយ និង រក្សាសុខជូនគ្រួសារ៕
