បើកបង្ហាញទ្រព្យសម្បត្តិ Katy Perry គិតត្រឹមឆ្នាំ ២០២០ លស់ ៣៣០ លានដុល្លារ

ម្ចាស់បទ «Dark hores» នាង Katy Perry ជាតារាចម្រៀងជនជាតិអាមេរិក វ័យ ៣៦ ឆ្នាំ ដែលមានប្រជាប្រិយភាពខ្លាំងនៅលើពិភពលោក។ មិនត្រឹមតែប៉ុណ្ណោះ រាល់បទចម្រៀងរបស់តារាស្រីដ៏មានប្រជាប្រិយភាពរូបនេះ ក៏មានអ្នកទស្សនារហូតទៅដល់រាប់ពាន់លានដងថែមទៀតផង។

បើងាកមកនិយាយពីចំណូលរបស់តារាស្រីរូបនេះវិញ នៅក្នុងឆ្នាំ ២០០៩ និង ២០១៤ តារាស្រីរូបនេះ អាចរកចំណូលបានពីចន្លោះ ៣០ លានដុល្លារ ទៅ ៥០ លានដុល្លារ ក្នុងការលក់អាល់ប៊ុម។ បន្ថែមលើសពីនេះ នៅចន្លោះខែមិថុនាឆ្នាំ ២០១៤ ដល់ខែមិថុនា ឆ្នាំ ២០១៥ ម្ចាស់បទ «Dark hores» អាចរកចំណូលបាន ប្រមាណ ១៣៥ លានដុល្លារ ។ ចំពោះចន្លោះខែមិថុនា ឆ្នាំ ២០១៨ ដល់ខែមិថុនា ឆ្នាំ ២០១៩ តារាចម្រៀងជនជាតិអាមេរិករូបនេះ អាចរកចំណូលបាន ៦០ លានដុល្លារ។

ចំពោះចន្លោះខែមិថុនាឆ្នាំ ២០១៩ ដល់ខែមិថុនា ឆ្នាំ ២០២០ នាង Katy Perry រកបានចំណូល ៤០ លានដុល្លារ។ ក្នុងនោះដែរ ២៥ លានដុល្លារ បានមកពីកម្មវិធី American Idol។ សម្រាប់ទ្រព្យសម្បត្តិសរុបវិញ តារាចម្រៀងដ៏ល្បីរូបនេះមានចំនួនប្រមាណ ៣៣០ លានដុល្លារ៕

ប្រភព៖ CELEBRITY NETH WORTH