ទោះមានរឿងអាស្រូវច្រើន តែភាពយន្តទាំង ៦ នេះរបស់ ត្រចៀកកាំ នៅតែល្បី ហើយអ្នកគាំទ្រគ្មានថ្ងៃភ្លេច
នៅតែមិនទាន់មានការបញ្ជាក់ច្បាស់ណាមួយថា ហេតុអ្វីបានជាកំពូលតារាសម្ដែងជើងចាស់របស់ចិន Zhao Wei ឬ អ្នកគាំទ្រតែងហៅថា ត្រចៀកកាំ ត្រូវបានគេដកឈ្មោះចេញពីបណ្ដាញសង្គមក្នុងប្រទេសចិន និង សូម្បីតែរឿងភាគ ភាពយន្តរបស់នាងថតសម្ដែង ក៏ត្រូវបានដកឈ្មោះចេញផងដែរ កាលពីខែសីហាឆ្នាំកន្លងទៅ។
Zhao Wei ត្រូវបានគេស្គាល់ថាជាតារាសម្ដែងស្រីជួរមុខ ដ៏ប្រជាប្រិយភាពតាំងទសវត្សរ៍ឆ្នាំ ២០០០ និង ជាអ្នកដឹកនាំរឿង ក៏ដូចជាអ្នកជំនួញស្រីមានឥទ្ធិពលមួយរូប ក្នុងប្រទេសចិនផងដែរ។
បើទោះបីជានាងមានជាប់ពាក់ព័ន្ធនឹងរឿងអាស្រូវដ៏អាថ៌កំបាំងក៏ពិតមែន ប៉ុន្តែនៅមានរឿងភាគបុរាណ និង ភាពយន្តចំនួន ៦ រឿងរបស់នាង ដែលទទួលបានការគាំទ្រយ៉ាងខ្លាំងពីទស្សនិកជន និង អ្នកគាំទ្រជាច្រើនចាំមិនអាចបំភ្លេចបាន។ រឿងទាំង ៦ នោះមានដូចជា ៖
១. រឿង «My Fair Princess» ក្នុងឆ្នាំ ១៩៩៨ ដល់ ១៩៩៩
២. រឿង «Shaolin Soccer» ក្នុងឆ្នាំ ២០០១
៣. រឿង «Painted Skin» ក្នុងឆ្នាំ ២០០៨
៤. រឿង «Mulan» ក្នុងឆ្នាំ ២០០៩
៥. រឿង «Dearest» ក្នុងឆ្នាំ ២០១៤
៦. រឿង «Three» ក្នុងឆ្នាំ ២០១៦
