អ្នកគាំទ្រនឹកភ្នករឿងមួយ ក្រោយឃើញ គង់ ចាន់រដ្ឋា គ្រងឈុតកូនក្រមុំខ្មែរ យ៉ាងសមសួន

ជាការពិតណាស់ ក្រោយសាងកេរ្តិ៍ឈ្មោះលើវិថីសិល្បៈក្នុងនាមជាតារាចម្រៀងហើយមក គង់ ចាន់រដ្ឋា ត្រូវបានមហាជនរាប់បញ្ជូលថា នាងគឺជាតារាចម្រៀងស្រីមួយរូបដែលលេចធ្លោខ្លាំងទៅលើការរាំ ក៏ដូចជាការតុបតែខ្លួនប្លែកៗផងដែរ។ លើសពីនោះ គង់ ចាន់រដ្ឋា ក៏ត្រូវបានចាត់ទុកជាតារាស្រីនិយមតែងខ្លួនសិចស៊ីទៀតផង។

យ៉ាងណាមិញ ថ្មីៗនេះតារាចម្រៀងសិចស៊ីរាងតូចច្រឡឹង គង់ ចាន់រដ្ឋា បានធ្វើឱ្យមហាជនអ្នកលេងបណ្តាញសង្គមជាច្រើនបានបើកភ្នែកសម្លឹកទៅលើរូបសម្រស់ និង ការតុបតែបែបកូនក្រមុំប្រពៃណីរបស់នាងមិនដាក់ភ្នែកនោះឡើយ ក៏ព្រោះ គង់ ចាន់រដ្ឋា កម្រនឹងតែងខ្លួនបែបប្រពៃណីនេះណាស់។

បន្ថែមពីនោះទៀត មហាជនអ្នកលេងបណ្តាញសង្គមហ្វេសប៊ុកបានលើកឡើងថា រូបភាពក្នុងឈុតប្រពៃណីកូនក្រមុំរបស់ គង់ ចាន់រដ្ឋា មើលទៅពិតជាខុសប្លែកគ្នាទាំងស្រុងពីរូបភាពដែលនាងតែងខ្លួនសិចស៊ី ឆើតឆាយ ពោលគឺស្អាតមួយបែបស័ក្តិសមជាស្ត្រីខ្មែរតែម្តង។

លើសពីនោះរូបថតក្នុងឈុតកូនក្រមុំប្រពៃណីនេះ បើទោះ គង់ ចាន់រដ្ឋា បានលើកឡើងថាជាការថតសម្អាងការក៏ពិតមែន ប៉ុន្តែមហាជនជាច្រើនសង្ស័យថា នាងអាចនឹងថត Pre-wedding ផងក៏មិនដឹង ព្រោះបើគិតមកដល់ពេលនេះ គង់ ចាន់រដ្ឋា នឹងគូស្នេហ៍គឺលោក ស៊ិន សុភា បានស្រឡាញ់គ្នាយូរឆ្នាំហើយ។ ម្យ៉ាងវិញទៀត កន្លងមកខាងប្រុសក៏បានទិញចិញ្ចៀនពេជ្របញ្ចាំចិត្តជូននាងរួចហើយដែរ៕