តួបងធំរឿង «Squid Game» ក្នុងរឿងកាចសាហាវ តែក្រៅសាច់រឿងឡើងឃ្យូតសន្លប់
ប្រិយមិត្តអ្នកតាមដាន និង ទស្សនាខ្សែភាពយន្តកំពុងល្បី «Squid Game» ប្រាកដជាស្គាល់តួអង្គបងធំចិត្តអាក្រក់ Jang Deok Su ដែលដើរតួសម្ដែងដោយលោក Heo Sung Tae មិនខាន។
តារាសម្ដែង Heo Sung Tae ចាត់ចូលជាតារាដ៏មានទេពកោសល្យមួយរូប ក្នុងការសម្ដែងជាតួអង្គកោងកាច សាហាវគួរឱ្យខ្លាច បូករួមនឹងមុខមាត់មាំ កាចៗស្រាប់ទៀតផង គឺត្រូវម៉ាច់នឹងតារាប្រុសរូបនេះ ស័ក្ដិសមឥតខ្ចោះ។
ទោះជាយ៉ាងណា បើទោះបីក្នុងសាច់រឿង រូបលោកមានសភាពឃោរឃៅកោងកាចក៏ពិតមែន ប៉ុន្តែជីវិតពិតក្រៅសាច់រឿងវិញ Heo Sung Tae គឺមានចរិតស្លូតបូត រួសរាយ និង លេងសើចច្រើនគួរឱ្យស្រឡាញ់ ដែលអត្តចរិតនេះ គឺផ្ទុយស្រឡះនឹងចរិតក្នុងសាច់រឿងទាំងស្រុងតែម្ដង៕
