ទើប ២៤ ឆ្នាំសោះ តែកំលោះសង្ហា Cha Eun Woo សល់លុយច្រើន បើរាប់អាចគាំងម៉ាស៊ីនគិតលេខ

Cha Eun Woo កំលោះសង្ហាវ័យ ២៤ ឆ្នាំ ជាសមាជិកក្រុមចម្រៀងបុរស ASTRO និងជាអ្នកសម្តែងមានប្រជាប្រិយភាព។ តារាប្រុសរូបនេះទទួលបានកេរ្តិ៍ឈ្មោះ និងការគាំទ្រជាខ្លាំងតាមរយៈរឿងល្បីៗដែលលោកសម្តែងដូចជា «My ID is Gangnam Beauty», «My Brilliant Life», «Hit the Top» និង «True Beauty» ជាដើម។

ដ្បិតតែវ័យទើប ២៤ ឆ្នាំ តែ Cha Eun Woo ត្រូវបានគេចាត់ទុកថាជាតារាប្រុសកំពូលមួយរូប ដោយរូបសម្រស់ដែលអំណោយផលពីធម្មជាតិ និងសមត្ថភាព បូករួមទេពកោសល្យរបស់លោក ធ្វើឱ្យលោកមានការងារជាច្រើនបន្តបន្ទាប់គ្នា។

ព្រោះតែភាពមមាញឹកជាមួយការងារច្រើនមុខដែល Cha Eun Woo រកពេលសម្រាកគ្មានតាំងពីការសម្តែង ការច្រៀង ការថតផ្សាយពាណិជ្ជកម្ម ការថតម៉ូត ជាដើមបានធ្វើឱ្យតារាប្រុសរូបនេះសន្សំបានទ្រព្យសម្បត្តិសរុបប្រមាណជាង ១០ លានដុល្លារឯណោះ៕