ដឹងការពិតហើយ ប្រុសស្អាត សេង មង្គល ចូលចិត្តថតរូបដោះអាវ ព្រោះតែមូលហេតុនេះ

តារាសម្ដែងប្រុសរូបសង្ហា សេង មង្គល កន្លងមកតែងតែត្រូវបានមហាជន និង មិត្តយុវវ័យនាំគ្នាលើកសរសើរដល់រូបលោក ព្រោះតារាប្រុសរូបនេះមិនត្រឹមតែមានទេពកោសល្យផ្នែកសិល្បៈដ៏ប៉ិនប្រសប់ទេ លើសពីនេះ លោកក៏មានរូបរាងស្រស់សង្ហាទាក់ទាញមិនធម្មតាដែរ ជាពិសេសពេលលោកបង្ហាញរូបរាងដោះអាវម្ដងៗ។

បើគេសង្កេតនៅលើបណ្ដាញសង្គមតារាសម្ដែង សេង មង្គល មិនថាលើគណនីហ្វេសប៊ុក ឬអ៊ីនស្រ្តាក្រាមនោះទេ លោកច្រើនតែបង្ហោះរូបថតដោះអាវ បង្ហាញរូបរាងដ៏សិចស៊ីទាក់ទាញ សម្ញែងនូវសាច់ដុំកង់ៗបង្អួតភ្នែកមហាជនជារឿយៗ រហូតកាលពីមួយរយៈមុន មានអ្នកលេងហ្វេសប៊ុកមួយចំនួនថាលោកជាចេកទៀតផង។

ទោះបីជាមានការលើកឡើងបែបនេះ ក៏ប្រុសស្អាត សេង មង្គល មិនខ្វល់ ដោយលោកនៅតែបន្តបង្ហោះរូបភាពសិចស៊ីបញ្ចេញល្វែងលើដដែល ហើយកន្លងមក តារាសម្ដែងប្រុសរូបនេះថែមទាំងបានប្រាប់ពីហេតុផលដែលលោកចូលចិត្តថតរូបដោះអាវទៀតថា ៖ «ដរាបណារាងរបស់ខ្ញុំនៅតែបែបនេះ ស្ទីលដោះអាវគឺនៅតែមាន អ្នកហាត់ប្រាណចូលចិត្តថតរូបដោះអាវចឹងហើយកុំប្រកាន់អី បើប្រកាន់ក៏ខ្ញុំមិនដឹងធ្វើម៉េចដែរ»៕