តារាស្រី ៥ ដួងនេះ ទទួលបានពានរង្វាន់លំដាប់ប្រទេសច្រើនជាងគេបំផុត រហូតដល់….

ទម្រាំក្លាយខ្លួនជាតារាសម្ដែងដែលមានអ្នកគាំទ្រច្រើនភ្លូកទឹកភ្លូកដី វាពុំមែនជារឿងដែលងាយស្រួលនោះឡើយ ហើយមនុស្សគ្រប់គ្នាក៏មិនប្រាកដថាអាចធ្វើជាអ្នកសម្ដែងបានល្អ និង ទទួលបានការគាំទ្រនោះដែរ។ អាចកា្លយជាតារាល្បីត្រូវបានគឺត្រូវឆ្លងកាត់បទពិសោធ និង ការហ្វឹកហាត់ច្រើនណាស់ ពុំមែននៅសុខៗអាចក្លាយជាតារាល្បីបានទេ។

តួយ៉ាង បើងាកទៅមើលតារាថៃស្រី ៥ ដួង ឯណេះវិញ កំពុងក្លាយជាតារាក្នុងដួងចិត្តរបស់មហាជន និង ជាតារាស្រីដែលទទួលបានពានរង្វាន់ស្នាដៃល្អច្រើនជាងគេក្នុងប្រទេសផងដែរ។ ក្នុងរួមមាន ៖

១. តារាស្រី Aum Pachrapha

ជាកំពូលតារាស្រីដែលទទួលបានតម្លៃខ្លួនខ្ពស់ជាងគេក្នុងចំណោមតារាថៃទាំងអស់ តារាស្រី Aum តែងត្រូវបានមហាជនក្នុង និង ក្រៅស្រុក គាំទ្រ និង អួតសរសើររហូតនាងបានក្លាយជា Super Star ប្រចាំប្រទេសទៀតផង។ ចូលប្រឡូលក្នុងវិស័យសិល្បៈ ២០ ឆ្នាំ តារាស្រីរូបនេះអាចក្ដាប់បានពានរហូត ៨៧ ពាន ពិតគួរឱ្យសរសើរ។

២. តារាស្រី Anne Thongprasom

ងាកមកមើលកំពូលតារាសម្ដែង និង អ្នកដឹកនាំដ៏ឆ្នើម Anne Thongprasom វិញ ក៏មិនធម្មតា សម្រាប់អាជីពតារាសម្ដែងមក ២៥ ឆ្នាំ តារាស្រីរូបនេះ ទទួលបានពានរង្វាន់ចំនួន ៨៥ ពាន ។ ជាទូទៅមហាជនអ្នកតាមដានជីវិតអ្នកសិល្បៈថៃ គ្មាននរណាម្នាក់ដែលថាមិនស្គាល់ និង មិនធ្លាប់បានមើលការសម្ដែងតារាស្រីរូបនេះឡើយ។

៣. តារាស្រី Yaya

Yaya ជាតារាស្រីម្នាក់ដែលទទួលបានការគាំទ្រខ្លាំងពីសំណាក់មហាជន។ ជាមួយនឹងទេពកោសល្យសម្ដែងល្អ ចូលសិល្បៈត្រឹម ៦ ឆ្នាំ តារាស្រីរូបនេះទទួលបានពានរង្វាន់រហូតដល់ ៦៧ ឯណោះ ដែលនេះសុទ្ធសឹងកើតចេញពីសមត្ថភាព និង ភាពប៉ិនប្រសប់របស់នាង។

៤. តារាស្រី Chompoo Araya

សម្រាប់អ្នកម្តាយវ័យក្មេង Chompoo តែងត្រូវបានមហាជនអ្នកគាំទ្រអួតសរសើរមិនដែលដាច់ឡើយ ជាពិសេសរូបសម្រស់ និង ទេពកោសល្យរបស់នាងតែម្ដង។ ឈានជើងចូលសិល្បៈអស់រយៈពេល ១៩ ឆ្នាំ តារាស្រី Chompoo ទទួលបានពានរង្វាន់ចំនួន ៥០ រង្វាន់។

៥. តារាស្រី Nune Woranuch

យ៉ាងណាមិញ មិនខុសអ្វីពីកំពូលតារាស្រីទាំង ៤ ខាងលើ តារារូបនេះ បានសាងស្នាដៃសម្ដែងមកជាហូរហែ។ ភាគច្រើនរាល់រឿងដែលតារាស្រីរូបនេះ សម្ដែងសុទ្ធសឹងតែផ្ទុះការគាំទ្រខ្លាំង។ ប្រឡូកក្នុងសិល្បៈរយៈពេល ១៩ ឆ្នាំ តារាស្រី Nune ទទួលបានពានរហូតដល់ ៤៦ ពាន ពិតគួរឱ្យសរសើរ៕