ឃើញ សុគន្ធ ថេរ៉ាយុ មុខក្មេងៗអ៊ីចឹង មិនមែនអាយុតិចទេណា ៣០ ឆ្នាំផ្លាយហើយ

តារាចម្រៀងស្ថិតក្នុងដួងចិត្តយុវវ័យ សុគន្ធ ថេរ៉ាយុ បានឆ្លងពិធីខួបកំណើតកើតមួយឆ្នាំទៀតយ៉ាងស្ងៀមស្ងាត់ ដោយឆ្នាំនេះលោកមិនបានរៀបចំកម្មវិធីធំដុំអ្វីនោះទេ ត្រឹមតែជួបជុំសាច់ញាតិបងប្អូនលក្ខណៈគ្រួសារ និង មានការពញ្ញាក់អារម្មណ៍ពីមិត្តភក្ដិដើម្បីជូនពរលោកប៉ុណ្ណោះ។

ដោយឡែក រឿងដែលមហាជនចាប់អារម្មណ៍ និង ភ្ញាក់ផ្អើលបំផុតនោះ គឺទៅលើអាយុពិតរបស់តារាចម្រៀងប្រុសរូបសង្ហាខាងលើតែម្ដង ព្រោះថាមើលទៅមុខមាត់របស់លោកហាក់ដូចជានៅក្មេង តែអាយុ ៣០ ផ្លាយឆ្នាំទៅហើយ។

សុគន្ធ ថេរ៉ាយុ មិនត្រឹមតែជាតារាចម្រៀងដ៏មានប្រជាប្រិយភាពទេ តែលោកក៏សម្បូរមន្តស្នេហ៍ណាស់ដែរ ព្រោះតារាប្រុសរូបនេះមានសាច់សខ្ចី រូបរាងក៏សង្ហា ស្នាមញញឹមក៏ស្រស់ ចំណែកមុខមាត់ក៏មើលទៅនៅក្មេងនៅឡើយហាក់ដូចជាអាយុទើបជាងម្ភៃ តែតាមពិត ថេរ៉ាយុ មានអាយុ ៣៣ ឆ្នាំហើយ។

សុគន្ធ ថេរ៉ាយុ បានបង្ហាញអាយុពិតរបស់លោកនៅលើទៀននំខេកខួបកំណើតច្បាស់ៗ ធ្វើឱ្យមហាជនជាច្រើនស្រឡាំងកាំង និង លើកសរសើរថា មុខមាត់របស់លោកនៅក្មេងមិនសមនឹងអាយុសោះ៕