ពូកែយ៉ាងនេះ! ការពិត Rapper វ័យក្មេង Heng មានទំនាក់ទំនងពិសេសនេះជាមួយ DJ Sdey
ថ្មីៗនេះដែរ មហាជនដែលធ្លាប់បានស្គាល់ និង គាំទ្រតារាចម្រៀងរ៉េបរៀមច្បងកាលពីអំឡុងឆ្នាំ ២០០០ គឺ DJ Sdey ហាក់កំពុងតែចាប់អារម្មណ៍សាជាថ្មីម្តងទៀតហើយ នៃការវិលត្រឡប់មកកាន់វិថីសិល្បៈរបស់លោក។ ក្នុងការវិលត្រឡប់មកវិញលើកនេះ DJ Sdey ក៏បានធ្វើឱ្យមហាជនភ្ញាក់ផ្អើលយ៉ាងខ្លាំងទៀតផង ក៏ព្រោះតែវត្តមានរបស់ Rapper និង ជា Influencer ជំនាន់ក្រោយ លោក Heng គឺជាកូនប្រុសបង្កើតរបស់លោក។
ជាការពិត ក្រោយបាត់មុខលើវិថីសិល្បៈប្រមាណ ១០ ឆ្នាំ DJ Sdey បានធ្វើឱ្យមហាជននឹករឭកដល់លោកយ៉ាងខ្លាំង តែក្នុងនោះបើទោះជាវត្តមានលោកបានផ្អាកយូរឆ្នាំក្តី ប៉ុន្តែកូនប្រុសរបស់ DJ Sdey គឺលោក Heng ក៏កំពុងតែសាងកេរ្តិ៍ឈ្មោះមិនចាញ់ឪពុកនោះដែរ។
លោក Heng បច្ចុប្បន្ន ត្រូវបានគេស្គាល់ថាជា Influencer មានប្រជាប្រិយយ៉ាងខ្លាំងលើបណ្តាញសង្គមនានា ដោយលោកអាចរកប្រាក់ចំណូលតាមការ reaction ផលិតផល និង បទចម្រៀងថ្មីៗទៀតផង។ លើសពីនោះ កូនប្រុស DJ Sdey រូបនេះ ក៏មានដុងផ្នែក Rap មិនចាញ់ឪពុកនោះទេ ដោយលោក Heng ក៏បានចេញបទចម្រៀងរ៉េបផ្ទាល់ខ្លួនជាបន្តបន្ទាប់រហូតមានការគាំទ្រខ្លាំងពីសំណាក់យុវវ័យ។
មិនត្រឹមតែប៉ុណ្ណោះ ឈាមជ័រ Rapper ទាំងឪពុក និង កូននេះ ក៏ធ្លាប់បានបកស្រាយបទចម្រៀងរ៉េបរួមគ្នាទៀតផង៕
