គូនេះផ្អែមពេកហើយ! ខួបកំណើតសង្សារឆ្នាំនេះ Prang លេងម៉ាអស់ដៃ ដល់ថ្នាក់មហាជនលួចច្រណែន

ជារឿយៗ ប្រិយមិត្តអ្នកគាំទ្រតែងតែឃើញសកម្មភាពស្អិតល្មួតគ្នារបស់គូស្នេហ៍តារាស្រីប្រចាំប៉ុស្តិ៍ទូរទស្សន៍លេខ ៣ ថៃ នាង Prang Kananrun និង តារាចម្រៀងរ៉េបរូបសង្ហា លោក Two Pee មិនសូវជាដាច់ឡើយលើបណ្ដាញសង្គម ជាពិសេស រូបភាពផ្អែមល្ហែមរបស់ពួកគេ ដែលធ្វើឱ្យមហាជនអ្នកតាមដានតែងលួចច្រណែន។

យ៉ាងណាមិញ ថ្មីៗនេះ អ្នកទាំងពីរហាក់កំពុងធ្វើឱ្យមហាជនចាប់ក្រសែភ្នែកតាមទៀតហើយ ព្រោះក្នុងថ្ងៃខួបកំណើតលោក Two Pee នោះ ឃើញថាតារាស្រី Prang លេងម៉ាអស់ដៃ ទិញកាដូ Surprise ចំនួន ១០ កាដូ ព្រោះនេះជាលើកទី ១០ ហើយ ដែលនាងបានធ្វើខួបកំណើតឱ្យសង្សារបែបនេះ។

លើសពីនោះ តារាស្រីស្រស់ Prang ក៏បានសរសេរសារជូនពរដ៏មានន័យជូនទៅតារាប្រុស Two Pee សង្សារបណ្ដូលចិត្តផងដែរថា៖ «ព្រោះតែពេលមួយនោះហើយ ទើបអូនចង់ឃើញស្នាមញញឹមរបស់បង Happy Birthday to my very best friend, my love, and my life @twopee. You know I never want to stop making memories with you. Through good times and bad, I love you and I love us »។

ងាកទៅមើលអ្នកគាំទ្រឯណោះវិញ ម្នាក់ៗអៀនខ្លួនមិនស្ទើរនោះទេ ខណៈដែលឃើញ Idol របស់ខ្លួនផ្អែមល្ហែមខ្លាំងបែបនេះ។ជាមួយគ្នានោះ គេក៏ឃើញមានសារជូនពរព្រោងព្រាតពីសំណាក់មិត្តភក្ដិ ក្រុមគ្រួសារ និង អ្នកគាំទ្រផ្ញើទៅកាន់តារាប្រុស Two Pee  ក្នុងថ្ងៃខួបកំណើតផងដែរ៕