បាត់មុខយូរព្រោះរឿងអាស្រូវ ឥលូវ Fan Bingbing សម្រេចចូលថតរឿងថ្មី ហើយសម្ដែងជាតួបែបនេះ!
កាលពីថ្ងៃទី ០៨ ខែតុលា ឆ្នាំ ២០២១ កន្លងទៅ Trailer ទី ២ នៃខ្សែភាពយន្តបែបស៊ើបអង្កេត «The 355» ត្រូវបានបញ្ចេញឡើង ដោយបង្ហាញវត្តមានរបស់តារាសម្ដែងល្បីៗជាច្រើន។
ក្នុងនោះដែរ មហាជនជាច្រើនបានមានការភ្ញាក់ផ្អើលជាខ្លាំង ក្រោយឃើញវត្តមានរបស់តារាសម្ដែងចិន Fan Bingbing ជាតួអង្គសំខាន់មួយក្នុងភាពយន្តថ្មីមួយនេះ ក្រោយរងអាស្រូវរឿងគេចពន្ធអស់រយៈពេល ៣ ឆ្នាំកន្លងមកនោះ។
ខ្សែភាពយន្តបែបស៊ើបអង្កេតថ្មី «The 355» ដែលផ្ដោតសំខាន់លើចារនារីអន្តរជាតិមកពីបណ្ដាប្រទេសនានាជុំវិញពិភពលោក។ ភាពយន្តនេះដែរ បានចូលរួមសម្ដែងដោយតារាសម្ដែងល្បីៗដូចជា Jessica Chastain, Marion Cotillard, Penelope Cruz, Lupita Nyong’o និង Fan Bingbing ជាដើម។ «The 355» នឹងត្រៀមចាក់បញ្ចាំងជាផ្លូវការ នៅថ្ងៃទី ០៧ ខែមករា ឆ្នាំ ២០២២ ខាងមុខនេះ ៕
