ផ្អើលតតាំងរឿងលុយតុងទីន សឿ សុធារ៉ា បោះសម្ដីផាំងៗបែបនេះ ផ្ដាំផ្ញើទៅកាន់អ្នកជំពាក់លុយនាង
នៅប៉ុន្មានថ្ងៃចុងក្រោយនេះ អ្នកលេងបណ្ដាញសង្គមហ្វេសប៊ុក ជាពិសេសមហាជនដែលនិយមតាមដានវិស័យសិល្បៈ មានការភ្ញាក់ផ្អើលយ៉ាងខ្លាំង បន្ទាប់ពីតារាស្រីជើងចាស់ សឿ សុធារ៉ា បានបង្ហោះសារក្ដែងៗនៅលើហ្វេសប៊ុកថា តារាកំប្លែង នាងខ្ញុង និង អតីតតារាកំប្លែង ស្រីអយ បានជំពាក់លុយតុងទីនរបស់ខ្លួនខ្ទង់រាប់ពាន់ដុល្លារមិនសង។
ក្រោយពីបានឃើញ តារាស្រី សឿ សុធារ៉ា ប្រកាសទារលុយបែបនេះ ងាកទៅមើល អតីតតារាកំប្លែង ស្រីអយ គេមិនបានឃើញមានការចេញមុខប្រតិកម្មបកស្រាយអ្វីឡើយ ប៉ុន្តែចំពោះ តារាកំប្លែង នាងខ្ញុង វិញ គេបានឃើញបង្ហោះសារថ្មីមួយ ទំនងដូចជាចង់ឆ្លើយតបទៅរឿងរ៉ាវខាងលើនេះ ដែលពេលនោះ អ្នកនាង សឿ សុធារ៉ា ក៏បានស៊ែរការផុសនេះ ដោយភ្ជាប់ជាមួយនឹងសារប្រកាសទារលុយ អ្នកនាង ខ្ញុង ជាថ្មីម្ដងទៀត។
ខណៈនោះ តារាកំប្លែង នាងខ្ញុង គ្រាន់តែឃើញអ្នកនាង សឿ សុធារ៉ា ស៊ែរផុសរបស់ខ្លួន ហើយថែមទាំងប្រកាសឱ្យនាងសងលុយបែបនេះ អ្នកនាង ខ្ញុង ក៏បានចូលទៅខំមិន ដោយឱ្យ សឿ សុធារ៉ា ចេញមុខដោះស្រាយផ្ទាល់ៗថាអ្នកណាជំពាក់អ្នកណាឱ្យពិតប្រាកដ ៖ «ចេញមុខមកកុំលាក់ខ្លួនអ៊ីចឹង ធារ៉ា ចេញមកដោះស្រាយជាមួយខ្ញុំ បញ្ជាក់ឱ្យច្បាស់អ្នកណាជំពាក់អ្នកណា»។
ដោយឡែកក្រោយប្រកាសទេលុយគេ និងមានការតតាំងពាក្យសម្ដីជាមួយ តារាកំប្លែង នាងខ្ញុង បែបនេះហើយ គេក៏បានឃើញ តារាសម្ដែងស្រី សឿ សុធារ៉ា បានបង្ហោះពាក្យពេចន៍លើបណ្ដាញសង្គមហ្វេសប៊ុកជាថ្មីទៀត ដោយបានបោះសម្ដីផាំងៗហាក់ចង់ផ្ដាំផ្ញើទៅកាន់អ្នកជំពាក់លុយនាង។ ក្នុងនោះ អ្នកនាង បង្ហោះពាក្យពេចន៍បែបនេះថា៖ «សូមទេវតា បរាមុខពួកអ្នកឱ្យវិនាស លុយគេ ញើសឈាមគេ អ្នកទូលរែក ១០ ជាតិ តកូនតចៅទៀតមិនអស់ផង»៕
