អបអរ! ជំទាវ ស៊ន សៀវម៉ី សម្រាលកូនដំបូងហើយ មុខមាត់គួរឱ្យក្នាញ់ណាស់ រីឯឈ្មោះក៏ពីរោះដែរ

ក្រោយពីទន្ទឹងចាំជួបមុខកូនស្រីជាច្រើនខែថ្ងៃនោះ ពេលនេះ ពិកីឡាការិនីតេក្វាន់ដូដ៏ឆ្នើម ស៊ន សៀវម៉ី ដែលមានងារជាលោកជំទាវ និង ស្វាមីសំណព្វចិត្ត លោក កែវ ដេវិដ បានឃើញ​មុខ​កូន​ស្រី​ហើយ ដែលជំទាវ ស៊ន សៀវម៉ី បានសម្រាលកូនដោយសុវត្ថិភាពហើយ នៅម៉ោង ៩ យប់ថ្ងៃទី ០៨ ខែតុលា ឆ្នាំ ២០២១ នេះ។

ក្នុងនោះដែរ លោកជំទាវ ស៊ន សៀវម៉ី ព្រមទាំងស្វាមីពិតជាមានក្ដីរំភើបរីករាយយ៉ាងខ្លាំង ដែលបានបង្ហោះរូបភាព និង​សារលើ​បណ្ដាញសង្គម ​ស្វាគមន៍កូនស្រី​ជាទីស្រឡាញ់ ដែលមើល​មុខ​មាត់​កូនស្រីរបស់អ្នកទាំងពីរ ពិតជាគួរឱ្យក្នាញ់ខ្លាំង ហើយ អ្នកទាំងពីរ ថែមទាំងបានដាក់ឈ្មោះឱ្យកូនស្រីយ៉ាងពីរោះទៀត គឺមានឈ្មោះថា ដេវិដ ចេសស៊ី។

នេះបើតាមការបង្ហោះលើបណ្ដាញសង្គមហ្វេសប៊ុក ស្វាមីរបស់ លោកជំទាវ ស៊ន សៀវម៉ី ដែលបានរៀបរាប់ថា៖ «កូនស្រីមាសឪពុក ដេវិដ ចេសស៊ី – Devid Jessi  ២ កើត ខែអស្សុជ ឆ្នាំ​ឆ្លូវ ​ត្រីស័ក ព.ស ២៥៦៥ ថ្ងៃសុក្រ ទី ០៨ ខែតុលា ឆ្នាំ ២០២១ ៣.៥ គីឡូក្រាម វេលាម៉ោង ៩យប់ ពុក និងម៉ែស្វាគមន៍វត្តមានកូនមកដល់ភពផែនដីដ៏ស្រស់ស្អាតមួយនេះ»។

ទន្ទឹមនឹងនោះ មហាជនអ្នកគាំទ្រលើបណ្ដាញសង្គមជាច្រើនបានចូលខមមិនធ្វើការចូលរួមអបអរសាទរ ដល់ លោកជំទាវ និងស្វាមី ព្រមមានពាក្យជូនពរឱ្យម្ដាយ និងកូនស្រីមាន​សុខភាព​ល្អ​គ្រប់​គ្នាផងដែរ៕