តស៊ូអស់រាប់ឆ្នាំ Kratae មិនឈប់បន្តក្តីស្រមៃសង់ផ្ទះទី ៥ ទុកជាកាដូសម្រាប់ខ្លួនឯង
អាចនិយាយបានថា Kratae Rsiam នាងគឺជាតារាចម្រៀងស្រីមួយរូប ដែលមានប្រជាប្រិយភាពទទួលបានភាពជោគជ័យយ៉ាងខ្លាំង ក្នុងវិស័យកម្សាន្តថៃ បន្ទាប់ពីការខិតខំប្រឹងប្រែងធ្វើការក្នុងសិល្បៈ អស់រយៈពេលច្រើនឆ្នាំមកហើយ។
កន្លងទៅអស់រយៈពេលយ៉ាងយូរ សម្រាប់ជីវិតរបស់នាងផ្ទាល់ បានតស៊ូពុះពាររាល់ការលំបាក ទាំងកម្លាំងកាយចិត្ត ដើម្បីសម្រេចបាននូវក្តីស្រមៃរបស់នាងចង់បាន ឥឡូវនេះវាបានក្លាយជាការពិតហើយ គឺគម្រោងសាងសង់ផ្ទះថ្មីទី ៥ ទុកជាកាដូសម្រាប់ខ្លួនឯង ជាក្តីស្រមៃនាពេលអនាគតរបស់តារាស្រីរូបនេះ។
នេះបើតាមការចែករំលែកជារូបភាព ជាមួយនិងសាររៀបរាប់យ៉ាងវែងអន្លាយចេញពីគណនី Instagram ផ្ទាល់របស់តារាស្រីរូបនេះ បានបង្ហោះរូបថតផ្ទះថ្មីកំពុងសាងសង់ជិតនឹងរួចរាល់ ត្រៀមបើកទ្វារស្វាគមន៍ម្ចាស់ស្រី នាពេលឆាប់ៗខាងមុខនេះ។
ដោយមានការបញ្ជាក់ច្បាស់ៗពីសាមីខ្លួនផ្ទាល់យ៉ាងដូច្នេះថា៖ «មុនពេលចូលគេងយប់នេះ…ជាមួយកាដូរបស់ខ្ញុំ។ អីយ៉ា .. ជិតក្លាយជាការពិតហើយ! សូមពិនិត្យមើលផ្ទះថ្មី ផ្ទះទី ៥ ខ្ញុំធុញថប់រងទុក្ខអស់កម្លាំងបាក់ទឹកចិត្តនឹងត្រូវហត់នឿយជារៀងរាល់ថ្ងៃ … ខ្ញុំស្ទើរតែមិនដែលសម្រាកឡើយ ខ្ញុំគេងមិនលក់តស៊ូគ្រប់ការលំបាក។ ឆ្លងកាត់រឿងល្ខោនពាក្យអវិជ្ជមាន ក្រោកឈរដោយខ្លួនឯង បន្តអនុវត្ត, ឧស្សាហ៍ព្យាយាម, រៀនសូត្រ, តស៊ូ, មិនដែលឈប់។ អឹម … វាមានតម្លៃណាស់ អរគុណដល់រូបខ្ញុំផ្ទាល់ ដែលអាចយកអ្វីៗគ្រប់យ៉ាងបានរហូតដល់ថ្ងៃនេះ»៕
