ផ្អើលអ្នកគាំទ្រ! សុខៗ Lee Min Ho និយាយបែបនេះលើ IG របស់ Lee Jung Jae តួប្រុសរឿង «Squid Game»
កាលពីពេលថ្មីៗនេះ តួអង្គទាំង ៤ សំខាន់ៗក្នុងរឿង «Squid Game» បានបង្ហាញវត្តមានចូលរួមជាភ្ញៀវកិត្តិយសសម្រាប់ផ្តល់សម្ភាសក្នុងកម្មវិធី The Tonight Show។ ជាមួយគ្នានោះ លោក Lee Jung Jae ដែលជាតារាសម្ដែងប្រុសដ៏មានប្រជាប្រិយភាព ក្នុងសាច់រឿងនេះ ក៏បានថតរូបរួមគ្នាជាមួយនឹងតួអង្គដទៃទៀតទុកជាអនុស្សាវរីយ៍ បង្ហោះនៅលើគណនី Instagram ផ្ទាល់របស់លោក ហើយក្នុងរូបថតទាំងនោះ បានទាញយកបេះដូងពីទស្សនិកជនក៏ដូចជាអ្នកគាំទ្ររាប់លាននាក់ផងដែរ។
អ្វីដែលកាន់តែធ្វើឱ្យអ្នកគាំទ្រមានការភ្ញាក់ផ្អើលខ្លាំងជាងនេះ គឺវត្តមានរបស់តារាសម្ដែងប្រុសរូបសង្ហា Lee Min Ho បានចូលខមមិនលេបខាយបែបលេងសើច ខាងក្រោមរូបថតនៅលើ Instagram ផ្ទាល់របស់ Lee Jung Jae ថា៖ «Sunbae-nim, បើអ្នកសង្ហានោះ, ស្លាប់ខ្ញុំហើយ»។
មិនយូរប៉ុន្មានផង ស្រាប់តែសាយភាយយ៉ាងខ្លាំង ឃើញមានមតិឆ្លើយតបជាអ្នកគាំទ្ររបស់តារាប្រុសរូបនេះ ច្រើនលើសលប់ ដោយអ្នកមួយចំនួនបានលើកឡើងចំពោះរូបលោក គឺជាតារាប្រុសមួយរូបមានភាពរួសរាយរាក់ទាក់ និង ចូលចិត្តនិយាយលេងសើចបែបកំប្លែងៗ ធ្វើឱ្យគេគ្រប់គ្នាស្រឡាញ់ចូលចិត្តលោកខ្លាំង៕
