ស៊ីនឌី មានទំនាក់ទំនងចឹងសោះ ទើបធ្វើរឿងនេះនៅថ្ងៃខួបកំណើត យាយគ្រវីសក់

កាលពីថ្ងៃទី ២៦ ខែតុលា ឆ្នាំ ២០២១ កន្លងទៅ មហាជននិយមតាមដានបណ្តាញសង្គមរបស់តារាប្រទេសថៃ ប្រាកដជាបានដឹងហើយថាជាថ្ងៃកំណើតរបស់តារាភេទទី ៣ ថៃ អ្នកស្រី Sitang Buatong ដែលអ្នកគាំទ្រកម្ពុជាភាគច្រើនតែងហៅថា យាយ​គ្រវីសក់ ​នោះ។ ក្នុងនោះ នៅលើគណនីហ្វេសប៊ុក យាយគ្រវីសក់ ក៏មានការចូលទៅខមមិនជូនពរយ៉ាងច្រើនក្នុងខួបគម្រប់ ៦០ ឆ្នាំ របស់តារាភេទទី ៣ ថៃ រូបនេះផងដែរ។

ដោយឡែក មកមើលគណនីហ្វេសប៊ុករបស់អ្នកផាត់មុខល្បីឈ្មោះរបស់កម្ពុជា ដែលជាអតីតតារាសម្តែងភេទទី ៣ គឺលោក ស៊ីនឌី ក៏បានបង្ហោះរូបភាពប៉ុន្មានសន្លឹករបស់ យាយគ្រវីសក់ ព្រមទាំងបានជូនពរដល់រូបគេផងដែរ។ លើសពីនោះ ក្នុងសារជូនពរនោះ លោក ស៊ីនឌី ក៏បាន mention ព្រមទាំងហៅ យាយគ្រវីសក់ ថាបងស្រីពេញៗមាត់ថែមទៀតផង។

ការជូនពរនេះដែរ ក៏បានធ្វើឱ្យអ្នកលេងបណ្តាញសង្គមហ្វេសប៊ុកមួយចំនួនមានចម្ងល់ចង់ដឹងថា តើអតីតតារាសម្តែងភេទទី ៣ កម្ពុជា ស៊ីនឌី និង តារាសម្តែងភេទទី ៣ ថៃ យាយគ្រវីសក់ មានទំនាក់ទំនងអ្វីនឹងគ្នា?​ ហើយចំពោះចម្លើយ ក៏មិនប្លែកនោះឡើយ ព្រោះតែលោក ស៊ីនឌី គឺជាអ្នកផាត់មុខល្បី មិនថានៅក្នុងប្រទេសកម្ពុជានោះទេ សូម្បីតែនៅប្រទេសថៃក៏លោក ស៊ីនឌី ធ្លាប់បានទៅផាត់មុខឱ្យតារាៗថៃ និង មានទំនាក់ទំនងល្អជាមួយតារាថៃជាច្រើនផងដែរ៕