កកក៏បាយមេម៉ាយក៏ស្រី! ភ្ញាក់ផ្អើល ក្រោយដឹងថាសង្សារថ្មី នាយចឺម គឺជាមេម៉ាយកូនមួយ

មួយរយៈចុងក្រោយនេះ តារាចម្រៀងវ័យក្មេង នាយចឺម កាន់តែបើកបង្ហាញពីជីវិតស្នេហាដ៏ផ្អែមល្ហែមរវាងលោក និង សង្សារថ្មីឈ្មោះ សេង សុខឃីម ដែលត្រូវបានគេស្គាល់ថាជាសង្សារទី ៤ នោះមិនសូវសល់ថ្ងៃឡើយ។

គ្រាន់តែចាប់ផ្ដើមបង្ហាញមុខមាត់សង្សារថ្មីនេះជាសាធារណៈភ្លាម នាយចឺម ក៏ត្រូវមហាជនជាច្រើនលើកសរសើរព្រោងព្រាតថា គូស្នេហ៍ក្រោយរបស់លោកមានសាច់ឈាមស្រស់ថ្លា មុខមាត់រាងរៅស្រស់ស្អាតណាស់ ថែមទាំងនៅវ័យក្មេងទៀតផង តែរឿងដែលមហាជននាំគ្នាស្រឡាំងកាំងបំផុតនោះគឺ គូស្នេហ៍តារាចម្រៀងរូបនេះ គឺជាមេម៉ាយកូនមួយ។

អ្នកនាង សេង សុខឃីម បានបង្ហោះរូបថតជាមួយក្មេងប្រុសម្នាក់នៅលើគណនីហ្វេសប៊ុក ព្រមទាំងបង្ហាញភាពស្និទ្ធស្នាល ផ្ដល់ក្ដីស្រឡាញ់ និង ភាពកក់ក្ដៅឱ្យក្មេងប្រុសរូបនោះជាខ្លាំង។ ក្រៅពីទម្លាយរូបថតជាមួយក្មេងខាងលើហើយ គូស្នេហ៍ នាយចឺម រូបនេះថែមទាំងរៀបរាប់នូវសារវែងអន្លាយ ដែលក្នុងអត្ថន័យសារនោះ អ្នកនាងបានបញ្ជាក់ច្បាស់លាស់ថា ក្មេងប្រុសរូបនេះគឺជាកូនប្រុសរបស់នាង។

កកក៏បាយមេម៉ាយក៏ស្រី ជាការពិតណាស់ថ្វីដ្បិតតែគូស្នេហ៍ថ្មីរបស់តារាចម្រៀង នាយចឺម គឺជាមេម៉ាយកូនមួយក៏ពិតមែន តែមើលទៅតារាប្រុសរូបនេះ ហាក់ដូចជាស្រឡាញ់នាងខ្លាំងណាស់ ដោយជារឿយៗលោកតែងតែបង្ហាញដំរួយចង់កាន់ដៃមិត្តស្រីចូលរោងការ ហើយថែមទាំងសរសើរនាងជាសាធារណៈថាខុសពីនារីដទៃដែលលោកធ្លាប់បានជួបកន្លងមកថែមទៀតផង៕