សម្តែងអស់ ១៨ ឆ្នាំ ពេលនេះ Eric Tsang ទទួលបានតំណែងធំមួយ ក្នុងប៉ុស្តិ៍ទូរទស្សន៍ TVB
នេះពិតជាដំណឹងគួរឱ្យសាទរបំផុតដល់តារាសម្ដែងប្រុសជើងចាស់ Eric Tsang ដែលបានឡើងកាន់តំណែងថ្មីជានាយកគ្រប់គ្រងទូទៅក្នុងប៉ុស្តិ៍ទូរទស្សន៍ TVB កាលពីពេលថ្មីៗកន្លងទៅនេះ។
អាចនិយាយបានថា លោក Eric Tsang ត្រូវបានគេចាត់ទុកជាកំពូលតារាសម្ដែងប្រុសហុងកុងដ៏ឆ្នើម ពេញដោយសមត្ថភាពមួយរូប ដែលបានរួមការងារជាមួយនឹង TVB ជាង ១៨ ឆ្នាំមកហើយ។ បច្ចុប្បន្ននេះ លោកបានប្តូរពីអ្នកសម្ដែងអាជីព ប្រែក្លាយជាអ្នកគ្រប់គ្រងទូទៅ ធ្វើការងាររយៈពេល ៨ ខែ ដើម្បីដឹកនាំកម្មវិធីទូរទស្សន៍ TVB រឿងភាគ និង ផលិតកម្មតន្ត្រី ជាដើម។
ចំពោះការសម្រេចចិត្តនេះដែរ ក៏មានការភ្ញាក់ផ្អើល និង សម្ដែងសេចក្តីសាទរមិនតិចនោះទេពីសំណាក់ទស្សនិកជន ព្រមទាំងមិត្តរួមអាជីព។ យ៉ាងណាមិញ ការកាន់ក្នុងតំណែងនេះ ក៏មានការលើកឡើងដែរថា តើ Eric នឹងយកការងារនេះ ច្បាស់លាស់ឬអត់? ហើយគាត់កំពុងបង្ហាញថាអ្នករិះគន់របស់គាត់អាចនឹងស្មានខុស៕
