មួយគ្រួសារ គង់ ចាន់ស្រីមុំ តែងខ្លួនបិសាចអបអរថ្ងៃ Halloween គ្រលៀសភ្នែកមួយភ្លែត បះសក់

នៅថ្ងៃទី ៣១ ខែតុលា ឆ្នាំ ២០២១ នេះ ជាថ្ងៃបុណ្យ Halloween ដែលជាបុណ្យខ្មោចប៉ែកអឺរ៉ុបដ៏ល្បីមួយ ដែលត្រូវគេប្រារព្ធឡើងស្ទើរទូទាំងពិភពលោក ក្នុងនោះដែរ ក្រឡេកមើលមហាជនខ្មែរវិញ ក៏ដូចជាតារាប្រុសស្រីខ្មែរជាច្រើន ក៏បានឃើញធ្វើការតុបតែងធ្វើជាខ្មោចលេងស្ទីលថតរូបបង្ហោះលើបណ្ដាញសង្គមរៀងៗខ្លួន។

ដោយឡែក ងាកមើលតារាស្រីកំពូលនិយមបង្កើតស្ទីលលេងខ្លួនប្លែកៗហាយសូរ គង់ ចាន់ស្រីមុំ វិញ ក៏មិនឱ្យខកខានដែរ ក្នុងឱកាសបុណ្យ Halloween ដ៏ល្បីមួយនេះ ក៏បានឃើញតារាស្រីរូបនេះ បានបញ្ចេញរូបភាពជាច្រើនសន្លឹកអបអរថ្ងៃបុណ្យនេះ ដែលបានថតជាមួយស្វាមី និង កូនស្រីសំណព្វចិត្តរបស់អ្នកនាង តុបតែងខ្លួនជាខ្មោច លេងទឹកមុខយ៉ាងសាហាវ។

ទន្ទឹមនឹងនោះ រូបភាពទាំងនេះ កំពុងតែទទួលបានការចាប់អារម្មណ៍យ៉ាងខ្លាំងពីសំណាក់មហាជនអ្នកគាំទ្រលើបណ្ដាញសង្គម ដែលធ្វើការស៊ែរបន្តគ្នា ព្រមទាំងសរសើរពីតារាស្រីរូបនេះ និង គ្រួសារ ពូកែរកនឹកបង្កើតស្ទីលតុបតែងខ្លួនបានប្លែកៗ និង ទាក់ទាញខ្លាំង៕