បែកធ្លាយអស់ហើយ! មហាជនចាប់បានភស្ដុតាងថា បុរសម្នាក់នេះ អាចជាសង្សារថ្មីរបស់ Kwan

ថ្មីៗនេះ តារាស្រី Kwan usamanee កំពុងតែធ្វើឱ្យមហាជនជ្រើមជ្រួលជាខ្លាំង ក្រោយនាងប្រកាសថានាងកំពុងតែមើលចិត្តមើលថ្លើមគ្នាជាមួយដៃគូថ្មី។ ជាពិសេស បើទោះបីជានាងចេញមុខបញ្ជាក់ថា នាងកំពុងតែមានស្នេហ៍ថ្មីក៏ដោយ តែនាងនៅមិនទាន់បង្ហើបមុខថាបុរសនោះ ជានរណា មានការងារអ្វីឡើយ។

យ៉ាងណាមិញ នៅថ្ងៃទី ២ ខែវិច្ឆិកា ឆ្នាំ ២០២១ កន្លងទៅ មហាជនក៏ដូចជាមិត្តសិល្បៈ មានការសង្ស័យខ្លាំងថា បុរសដែលជាគូស្នេហ៍ថ្មីរបស់តារាស្រីរូបនេះ អាចជាបុគ្គលដែលមានមុខងារធំនៅក្នុងជួររាជការ ដែលមានឈ្មោះថា Thanakrit Jitrareerat ព្រោះថ្មីៗនេះ តារាស្រី Kwan ក៏ទើបតែទទួលបានតំណែងជាទីប្រឹក្សាមេធាវីផងដែរ។ ជាពិសេស ខណៈដែលនាងកំពុងតែទទួលតំណែងតួនាទីដ៏គួរឱ្យចាប់អារម្មណ៍នេះ នាងហាក់បីដូចជាមានភាពស្និទ្ធស្នាលខ្លាំង ជាមួយនឹងបុរសម្នាក់ ដែលមានឯកសណ្ឋានរាជការ និង ត្រូវមហាជនស្គាល់ថាឈ្មោះ Thanakrit Jitrareerat នេះខ្លាំងតែម្តង។

អ្វីដែលកាន់តែធ្វើឱ្យមហាជនកាន់តែប្រាកដក្នុងចិត្តថា បុរសម្នាក់នោះពិតគូស្នេហ៍ថ្មីរបស់តារាស្រី Kwan យ៉ាងពិតប្រាកដនោះគឺ នៅពេលដែលមហាជនចាប់បាន សម្តីរបស់តារាស្រីរូបស្រស់នេះ នៅក្នុងកម្មវិធី 3 Zeep កាលពីពេលកន្លងទៅ ដោយនាងធ្លាប់លើកឡើងថា ៖ «គូស្នេហ៍របស់នាងជាមនុស្សឆ្លាត ពូកែ និង ស្រឡាញ់ភាពយុត្តិធម៌ ចូលចិត្តជួយមនុស្សដែលទន់ខ្សោយ»។ អ្វីដែលកាន់តែពិសេសទៅទៀតនោះ លោក Kanchai ដែលជាពិធីករនៅក្នុងកម្មវិធីនោះ ក៏បានទម្លាយថា គូស្នេហ៍ Kwan មានអាយុច្រើនជាងនាងរហូតដល់ទៅ ១០ ឆ្នាំឯណោះ។

យ៉ាងណាមិញ ក្រោយលេចធ្លាយតំរួយបែបនេះហើយ ទើបមហាជនដាក់ការសង្ស័យថា បុរសដែលនាងកំពុងតែទាក់ទងនោះ គឺជាបុរសសង្ហានៅក្នុងជួររាជការខាងលើនេះ៕

ប្រភព៖ daradaily