ស្ងាត់ៗ ស្រីស្អាត បេនីយ៉ាំង បង្ហាញរូបភាព បញ្ជាក់ថានាងកំពុងពពោះកូន ៥ សប្ដាហ៍ហើយ!

បើទោះបីជាមិនទាន់សម្រេចចិត្តចូលរោងជ័យតាមប្រពៃណីក៏ពិតមែន តែអតីតតារាសម្តែងរូបស្រស់សិចស៊ី បេនី យ៉ាំង បានធ្វើឱ្យអ្នកគាំទ្រមានការចាប់អារម្មណ៍ជាខ្លាំង ពីទំនាក់ទំនងស្នេហារវាងនាង និង គូស្នេហ៍ ដែលកំពុងរស់នៅជាមួយគ្នាយ៉ាងមានសុភមង្គលក្នុងដំបូលផ្ទះតែមួយប្រៀបដូចជាប្តីប្រពន្ធ។

ពិតណាស់ ជារឿយៗ អតីតតារាស្រីមានសម្រស់ស្រស់ស្អាត រូបរាងសិចស៊ី ខាងលើនេះ ក៏កាន់តែបើកចំហពីចំណងស្នេហ៍របស់នាង និង បង្ហាញពីការរស់នៅជុំគ្នាយ៉ាងរីករាយ ធ្វើឱ្យមហាជនមិនតិចនោះទេមានចិត្តលួចច្រណែនអ្នកទាំងពីរ។

ដោយឡែកក្រោយពីបានបើកបង្ហាញពីទំនាក់ទំនងស្នេហាយ៉ាងស្អិទល្មួតជាច្រើនឆ្នាំកន្លងមកនេះ ស្រាប់តែថ្មីៗនេះ អតីតតារាសម្ដែងស្រីរូបនេះ បានធ្វើឱ្យមហាជនកាន់តែចាប់អារម្មណ៍ និងភ្ញាក់ផ្អើលមែនទែន ក្រោយឃើញ នាងបង្ហោះរូបភាពមួយសន្លឹកភ្ជាប់ជាមួយនឹងសារមួយ ដែលបានបញ្ជាក់ឱ្យដឹងថា ពេលនេះ នាងកំពុងតែមានផ្ទៃពោះចំនួន ៥ សប្ដាហ៍ហើយ។

ទន្ទឹមនឹងនោះ ក្រោយឃើញការបង្ហោះនេះភ្លាម មិនបង្អង់យូរមហាជនអ្នកលេងបណ្ដាញសង្គមដែលនិយមតានដានពីជិវិតឯកជនរបស់ អតីតតារាសម្ដែងស្រីរូបនេះ បានចូលខមមិនសម្ដែងនូវការចូលរួមអបអរសាទរដល់រូបនាងគ្រប់ៗគ្នាផងដែរ៕