ឆៃ លីដាឡែន ក្ដៅស្លឹកត្រចៀកចេញប្រលះបុរសម្នាក់ខ្លាំងៗ ក្រោយធ្វើទង្វើនេះដាក់នាង
ថ្មីៗនេះ មហាជនអ្នកលេងបណ្ដាញសង្គមមានការភ្ញាក់ផ្អើលជាខ្លាំង ក្រោយឃើញ តារាសម្ដែងស្រី ឆៃ លីដាឡែន ហាក់ក្ដៅចិត្តខ្លាំង បង្ហោះសារលើបណ្ដាញសង្គម ប្រលះអ្នកលេងបណ្ដាញសង្គមជាបុរសម្នាក់ ដែលឆាតផង ខលមកនាងផងជាច្រើនដង ហាក់មានបំណង់ចង់មាកងាយរាងកាយនាង ដោយធ្វើការឆាតមកបញ្ចេញទង្វើបែបអាសអាភាសចំពោះរូបនាង។
នេះបើតាមការបង្ហោះរូបភាព និងសារ ដែល តារាស្រីរូបនេះ បានរៀបរាប់ថា ៖ «ក្តៅចិត្តម៉ងហា សម្បូរម៉េសពួកអារោគចិត្ត លើកមុនម្ដងហើយស្ងាត់វិញឡូវមកទៀត ឆ្ងាញ់ត្រង់ខលមកតើ សួរឯងនៅណា ឯងមិននិយាយឆាតមកអ៊ីចឹងម៉ង ហើយអញនឹងតួ Xnxxxxx មែន? បងប្អូនចំណាំមុខទុកផង ហើយបើប្រពន្ធបានឃើញជួយមើលៗប្តីខ្លួនឯងផង»។
ឃើញការបង្ហោះរបស់ តារាស្រីរូបនេះ ភ្លាម មហាជនក៏បាននាំគ្នាធ្វើការចែករំលែកលើបណ្ដាញសង្គមបន្តគ្នា ដើម្បីឱ្យអ្នកលេងបណ្ដាញសង្គមមានការប្រុងប្រយ័ត្នចំពោះទង្វើទាំងនេះផងដែរ៕
